Киирии

Киирии

Олунньу 1 күнүгэр “Аврора” клиникэ саҥа киэҥ-куоҥ филиалын үөрүүлээх арыллыыта буолан ааста.

Клиникэ 2012 сыл от ыйын 9 күнүттэн Островскай аатынан уулуссаҕа биэс хостоох кыбартыыраҕа үлэтин саҕалаабыта. 2016 сыл муус устар ыйыгар Пояркова уулусса 20/1 дьиэтигэр иккис филиала арыллыбыта. Бу сыл алтынньы ыйыттан ДьТХА үһүс филиала үлэлиир. Клиникэ номнуо сэттис сылын ситиһиилээхтик үлэлиир.

Олунньу 1 күнүгэр Пояркова уулуссаҕа турар филиал иккис этээһин үөрүүлээх арыллыыта буолан ааста. Билигин “Аврораҕа”  7000 тахса киһи сыһыарыллыбыт. Сылга 100 000 тахса өҥө оҥоһуллар.

Ил Түмэн дьокутаата, “Ситим” медиа-бөлөх генеральнай дириэктэрэ, клиникэ учредителэ Мария Христофорова, СӨ ОМС территориальнай пуонда дириэктэрэ Александр Горохов, СӨ сүрүн хирура Алексей Сидоров, СӨ Бырабыыталыстыбатын бэрэссэдээтэлин солбуйааччы секретариатын старшай референэ Ариан Сергеев клиникэ үлэһиттэригэр, эмтэнээччилэригэр уонна мустубут дьоҥҥо эҕэрдэ тыл бастыҥын анаатылар.

Үөрүүлээх тэрээһини Саха эстрадатын чаҕылхай артыыһа Александр Бурнашов иилээн-саҕалаан ыытта.  Анастасия Готовцева, “Айархаан” этно-бөлөх уо.д.а. ылбаҕай ырыаларынан киэргэттилэр. Ону таһынан, алгыһы түһэрии сиэрэ-туома ыытылынна.

Тарҕат:

Комментарии

Защитный код Обновить