Киирии

Киирии

Быйылгы халаан уутугар 130 тахса нэһилиэнньэлээх пуун (47 тыһ киһи) ууга барар кутталлаах. Бу туһунан нэһилиэнньэ олоҕор-дьаһаҕар куттала суох буолууну хааччыйар эрэгийиэннээҕи кэмитиэт иһитиннэрэр.

РФ МЧС баһылыга Евгений Зиничев  Саха сирин  айылҕа быһылааныгар түбэһэр дойду биэс эрэгийиэнигэр киллэрбитэ.

Кэмитиэккэ 8,8 тыһ дьиэ (47 тыһ 279 киһи), 17 экономика эбийиэгэ, 12 массыына суолун учаастага, 5 массыына күргэтэ уонна икки көтөр аал  полосата ууга барар кутталлаахтарын тоһоҕолоон эттилэр. Ону таһынан, ыксаллаах быһыыны-майгыны туоратарга 170 мөл солк резервнэй пуонда оҥоһуллубутун бэлиэтээтилэр.

Ааспыт саас халаан уутуттан тахсыбыт хоромньу 1,4 млрд солк тэҥнэспит, 5,3 тыһ киһи эмсэҕэлээбит, 15 оройуоҥҥа 63 нэһилиэнньэлээх пуун уонна куорат таһынан 1482 олорор дьиэ ууга барбыт.

Тарҕат:

Комментарии

Защитный код Обновить