Киирии

Киирии

Олунньу 13 күнүгэр Нерюнгри оройуонун Иенгра сэлиэнньэтигэр, 250 миэстэлээх “Золотинка” диэн кыылы иитэр  пиэрмэ үөрүүлээх арыллыыта буолан ааста. Манна номнуо 400 хара саһыл баар. Бу туһунан Ил Дархан уонна Бырабыыталыстыба пресс-сулууспата иһитиннэрэр.

Пиэрмэ тутуута ааспыт сылга түмүктэммит. Саҥа килиэккэлэргэ 150 төбө тыһы саһыллар уонна 30 төбө киистэр “олороллор”. Бу кыыллары Тверь уобалаһыттан аҕалбыттар. Билигин уопсайа 400 төбө саһыл баар ( 250 төбө скандинавскай боруода уонна 150 төбө бэйэбит саһылбыт), олортон 320 тыһы уонна 80 атыыр. Ону таһынан, 30 киис баар.

Пиэрмэ дириэктэрэ Виталий Никитин этэринэн, эрдэ Арктика судаарыстыбаннай кэмитиэтин (билигин Арктика сайдыытын министиэристибэтэ) кытта түһэрсиллибит сөбүлэҥинэн, бүддьүөттэн үп көрүллэн пиэрмэ дьиэтэ саҥардыллыбыт уонна саҥа тэриллэр ылыллыбыттар. Пиэрмэ былаана өссө да киэҥ.

Тарҕат:

Комментарии

Защитный код Обновить