Киирии

Киирии

Билигин Сунтаар улууһугар иһэр уу балаһыанньата сытыырхайан турар. Ону хайдах баарынан суруйуом.

Тохсунньу ый бүтэһигэр Кириэстээххэ иһэр уу тула дьыала хайдаҕын туһунан олохтоох дьаһалта баһылыгын солбуйааччы В.Гаврильев, 1 л ыраастаммыт уу сыаната 1 солк диэри чэпчээбитин иһитиннэрэн үөрдүбүтэ. Соторутааҕыта Сунтаар сэлиэнньэтигэр ууну ыраастыыр дьоҕус ыстаансыйа аһыллыбыта эрээри, дьон сүрүн кыһалҕата – хантан ыраас муус ылан хаһааныы буолар. Сунтаар улууһугар мууһу бэлэмнээччилэр уонна дьон дьиэлэригэр тиэйээччилэр үлэлэрэ   хамнастанан турар. Ол курдук, бортовой “УАЗ” массыынаҕа толору 2 кууп муус сыаната, 2016 сылга тэҥнээтэххэ, 500 солк үрдээбит. Ол кыһын 2 кууп муус сыаната 1.500 солк этэ. Оттон билигин – 2.000 солк.  Мууһу чугастааҕы күөллэртэн, үрэх уута ааһар элгээннэриттэн ылаллар. Аны түөрт ыйынан халаан саҕаланнаҕына, иһэр уу боппуруоһа өссө сытыырхайара сабаҕаланар. Бүлүү Эбэ Хотун будулуйбут уутунан тоҥмута. Аны сайын хайдах-туох өҥүнэн боролуйара биллибэт.

Станислав Алексеев, Мииринэй к.

 

Тарҕат:

Комментарии

Защитный код Обновить