Киирии

Киирии

“Дархан Уус” онус үбүлүөйдээх түһүлгэ өрөспүүбүлүкэ бастыҥ уустарын түмтэ.

Манна “Бастыҥ булт быһаҕа” номинацияҕа 48 тимир ууһа кыттыыны ыллылар. Дьиҥнээх саха быһаҕа бирииппэ курдук сытыы буолуохтаах. Онон кумааҕыттан саҕалаан боолдьоҕу, эрэһиинэни, тимири быһан тургутан көрдүлэр.

Дьүүллүүр сүбэ быһаарыытынан, “Бастыҥ булт быһаҕа” номинацияҕа Сунтаар улууһуттан Кирилл Петров быһаҕа бастаата. Иккис миэстэни Нам улууһуттан Михаил Баишев быһаҕа оттон үһүс – Сунтаартан Михаил Никитин быһаҕа ыллылар.

Сунтаар улууһуттан “Кылаан” түмсүү салайааччыта  Василий Уваров этэринэн, быйылгы быыстапкаҕа Сунтаартан биэс маастар кыттыыны ылбыт. Олортон үс уус үлэлэрэ бириистээх миэстэҕэ тиксибиттэр. Ол курдук, “Бастыҥ ас быһаҕа” номинацияҕа иккис миэстэни Сунтаартан Дмитрий Николаев ылбыт. Ону таһынан, маастардары кытта икки үөрэнээччилэр кэлэн атын улуус маастардарын кытта билсэн, кинилэр үөрүйэхтэригэр үөрэннилэр.

Санатабыт, “Дархан Уус – 2019 быыстапкаҕа Алдантан, Үөһээ Бүлүүттэн, Бүлүүттэн, Жиганскайтан, Кэбээйиттэн, Мэҥэ-Хаҥаластан, Намтан, Ньурбаттан, Өлөөнтөн, Сунтаартан, Тааттаттан, Томпоттон, Уус-Алдантан, Уус-Майаттан, Чурапчыттан, Хаҥаластан уонна Дьокуускайтан 64 уус кыттыыны ылла. Бу туһунан Ил Дархан уонна Бырабыыталыстыба пресс-сулууспата иһитиннэрэр.

Тарҕат:

Комментарии

Защитный код Обновить