Киирии

Киирии

Хаҥалас улууһугар “КоРус” норуоттар икки ардыларынааҕы уопсастыба салайааччыта, бизнесмен Ли Кю Хван ыалдьыттаата. Кини Покровскайдааҕы оҕо ускуустубатын оскуолатын попечителэ буолар. Оҕолор айар дьоҕурдарын сайыннарыыга анаан ускуустуба оскуолатыгар 10 скрипканы бэлэхтээтэ.

Ону таһынан, түөрт оҕолоох Спиридоновтар дьиэ кэргэни кытта көрүстэ. Элбэх оҕолоох эдэр ыал үс оҕолоро төрүөхтэриттэн инбэлииттэр. Аччыгый уолаттара былырыын Хабаровскай куоракка эпэрээсийэлэнэн кэлбиттэр. Билигин эмтэниигэ наадыйаллар. Ли Кю Хван оҕолор төрөппүттэрин кытта кэпсэтэн баран, көмөлөһөргө бэлэмин эттэ. Оҕолор мэдэссиинскэй быыпыскаларын Корея быраастарыгар ыытыах буолла. Өскөтүн кинилэр ылыстахтарына, оҕолор Кореяҕа босхо эмтэниэхтэрэ. Ли Кю Хван салайар пуондата атын дойдулары кытта үлэлиир үөрүйэхтээх. Холобур, сүһүөх ыарыылаах кытай оҕолоругар көмөлөспүтэ. “Биһиги кыһалҕабытын өйдөөн маннык улахан болҕомтону ууруо диэн күүппэтэхпит. Ли Кю Хвана үтүө тыллара уонна көмөлөһөргө бэлэмэ эрэлбитин күүһүртэ”, – диэн эдэр ийэ Уруйдана Спиридонова үөрүүтүн үллэстэр.

Тарҕат:

Комментарии

Защитный код Обновить