Ыччат дьыалатыгар, физическай култуураҕа уонна успуортка СӨ Судаарыстыбаннай Мунньаҕын бастайааннай кэмитиэтин мунньаҕа буолан ааста. Бэбиэскэҕэ ыччат парламенын састаабын бигэргэтии боппуруоһун көрдүлэр.
“Ыччат парламенын састаабыгар 129 киһи киириэн баҕалааҕын биллэрбитэ. Олортон 70 ыччат талылынна. Саамай саастаахтара 30, оттон эдэрдэрэ 17 саастаах. Саҥа хамаандаҕа өрөспүүбүлүкэ уонна куорат араас түмсүүлэриттэн, муниципальнай оройуоннартан бэрэстэбиитэллэр киирдилэр”, – диэн норуот дьокутаата Александр Сусоев иһитиннэрдэ.
“Ыччат парламенын састаабын бигэргэтии – олус эппиэтинэстээх дьыала. Хандьыдааттары талыы өргө диэри ыытылынна. Үгүс баҕалаах дьон кыайан киирбэтилэр. Билиҥҥи ыччат парламена өссө ситиһиилээхтик үлэлиэ диэммин эрэнэбин”, – диэн ыччат дьыалатыгар, физическай култуураҕа уонна успуортка “Ил Түмэн” Судаарыстыбаннай Мунньах бастайааннай кэмитиэтин бэрэссэдээтэлэ Михаил Гуляев эттэ.
Бастайааннай кэмитиэт ыччат парламенын састаабын бигэргэттэ.
