Киирии

Киирии

Мииринэйгэ Дьокуускайга курдук килэйбит-халайбыт бөдөҥ тутуу суох. Куорат хайыы-үйэ эргэрэн, кыбаарталлара сарымтан, көрүҥэ мөлтөөтөр мөлтөөн иһэр. Алмаастаах кыраай киинин баһыйар үгүһэ – кээрэттии болдьоҕун ааспыт дьиэлэр. Ол курдук, оройуоҥҥа баар 226 самнархай (аварийнай туруктаах) дьиэттэн 62-тэ Мииринэй куоратыгар баар.

Өрөспүүбүлүкэтээҕи хапытаалынай өрөмүөн пуондата (ФКР) ааспыт сыл сайыныгар бэрт аҕыйах дьиэҕэ өрөмүөн үлэтин ыытта. Былаан быһыытынан быйыл отут дьиэ өрөмүөннэнэрэ барылга киирбит этэ да эрэл татым. Куораты тутууга, тупсарыыга ситиһиилэр урукку дьыллардааҕар сэмэйдэр. Тоҕус этээстээх дьиэлэри, ол эбэтэр “сибиэчикэлэр” истиэнэлэрин кырааскалыырга быйыл сайын дьэ киирсиһиэхпит диэн буолла. Былаан чэрчитинэн куорат бүддьүөтүн суотугар сүүрбэччэ тоҕус этээстээх дьиэ кырааскаланыахтаахтар. Эбиитин бу дьиэлэр истиэнэлэригэр сахалыы оһуор-мандар уруһуйданара көрүллүбүт. Быйыл балачча үп куорат пааркатын тупсарыыны ситэриигэ анаммыт. Кэлэр сайын эмиэ паарка саамай көстүүлээх сиригэр, бастакы алмаасчыттар стеллаларын аттыгар тупсарыы үлэтин ыытыахтара.

Итинэн холобурдаатахха быйыл куорат паарката таһыччы тупсара күүтүллэр. Куорат ырыынагын утары “Армада” атыы-эргиэн киинин тутуу үлэтэ “буксуйан” турар. Манна 156 миэстэлээх кафе, 96 миэстэлээх көстүүнэй баар буолуохтаах этэ. Ону таһынан, 100-кэ эргиэн миэстэтэ былааннаммыта. Хаһан бу олоххо киирэрэ биллибэт. Куорат кытыыта бөрүкүтэ суох туруктаах. Холобур, Үөһээ бөһүөлэк үгүс олохтоохторо кииннэммит ититиитэ, иhэр уута, гааhа да суох олороллор. Мөкү усулуобуйаларын куорат баhылыгар Клим Антоновка иhитиннэрбиттэрэ. Бу микро-оройуон үгүс олохтоохторо кииннэммит ититиигэ холбонууну туруорсаллар. Куорат кытыы микро-оройуоннарын тупсарыы үлэтэ ыытыллара уолдьаста. Ол туhугар үлэни Заречнайтан уонна куорат арҕааҥҥы өттүттэн саҕалаан эрэллэр. Былырыын Аммосов уулуссатыттан Кыра тайахтаах үрэҕэр диэри Комсомольскай уулуссаны аспааллаабыттара. Онон, Мииринэйи тупсарыы үлэтигэр муҥ саатар быйыл туох эмэ “сырдык сыдьаайыа” диэн эрэл баар.

armada

“Армада” атыы-эргиэн киинэ олус өр тутулунна.

2017

Бу дьиэлэри 2017 сыллаахха тупсарбыттара.

bylyryyn

Оттон бу дьиэлэри былырыын кырааскалаабыттара.

kyorat paarkata

Куорат паарката тупсар, киэргэйэр.

kytyyta

Мииринэй кытыыта маннык.

bohyolek

Үөһээ бөһүөлэк.

Станислав Алексеев, Мииринэй к., ааптар хаартыскаҕа түһэриилэрэ.

Тарҕат:

Комментарии

Защитный код Обновить

Бүтэһик сонуннар