Киирии

Киирии

Бүгүн, муус устар 17 күнүгэр, Москубаҕа “Арассыыйа Почтата” ФГУП конференц-саалатыгар бэчээт индустриятын тэрилтэлэрин Сойууһа СППИ ГИПП “2019 сыл бастакы аҥаарыгар Сурутуу лиидэрэ” диэн бириэмийэтин үөрүүлээх быһыыга-майгыга туттарыы буолла.

Манна 2019 сыл басакы аҥаарыгар сурутуу хампаанньатыгар бастыҥ көрдөрүүлэри биэрбит почта салааларын, хаһыаты, сурунаалы таһаарааччылары уонна эрэдээксийэлэри эҕэрдэлээтилэр. Маны таһынан, Госдуматтан, РФ Сибээс министиэристибэтиттэн, Роспечаттан, “Арассыыйа Почтатыттан”, сурутуу ааҕыныстыбаларыттан, медиа салаа биллэр-көстөр тэрилтэлэриттэн бэрэстэбиитэллэр кыттыылаах киэҥ ыҥырыылаах кэпсэтии буолла.

gipp souz logo new

Быйыл “Сурутуу лиидэрэ” күрэххэ кыайыылаахтарынан 10 эрэгийиэннээҕи почта сибээһин федеральнай Управлениета, 30 федеральнай уонна эрэгийиэннээҕи бэчээттиир дьиэ, биирдиилээн таһаарыылар кыайыылааҕынан ааттаннылар. Ол иһигэр, Саха сириттэн соҕотох таһаарыы — “Хатан” ыччат сайдам сурунаала (кыл. эрэдээктэр Егор Николаев) саамай элбэх тираһы ылан кыайыылааҕынан ааттанна. Лауреаттары прессаны тарҕатааччы ырыынагын эспиэрдэрэ тэрийбит куоластааһыннарын түмүгүнэн быһаардылар. Кинилэр тиражтарын ахсаанын сурутуу ааҕыныстыбалара уонна “Арассыыйа почтата” бигэргэппит.

“Хатаны” кытары киэҥник биллэр таһаарыылар – “За рулем”, “Собеседник”, “ЗОЖ”, “Моя семья”, “Тещин язык”, “Московский комсомолец”, “Вокруг света”, “Новая газета” уо.д.а. суон сурахтаах таһаарыылар кыайыылааҕынан тахсыбыттар. 

Бу туһунан СППИ ГИПП пресс-сулууспата иһитиннэрэр.

Тарҕат:

Комментарии

Защитный код Обновить

Болҕойуҥ ! Чэпчэтиилээх сурутуу саҕаланна!

kyym podpiska