Саха сиригэр биэс күн иһиэр “Онкопоиск” диэн скрининг аахсыйаҕа 5066 киһи анаалыс туттарбыт. Бу туһунан СӨ доруобуйа харыстабылын министиэристибэтэ иһитиннэрэр.
Искэн ыарыытын сэрэтэр, эрдэттэн булар сыаллаах аахсыйа муус устар 13 күнүттэн ыам ыйын 13 күнүгэр диэри буолар.
“Муус устар 17 күнүгэр өрөспүүбүлүкэ бары мэдэссиинэ тэрилтэлэригэр 2380 киһи анаалыс туттарбыт. Олортон 522 – өрөспүүбүлүкэтээҕи онкологическай диспансерга, 1630 — оройуоннааҕы киин балыыһаларга, 230 — куораттааҕы мэдэссиинэ тэрилтэлэригэр. Бу күннэр устата уопсайа 5066 киһи анаалыс туттарбыт”, — диэн министиэристибэ үлэһиттэрэ кэпсииллэр.
