Киирии

Киирии

Доруобуйа туругун бэрэбиэркэлиир диспансеризацияны ааһарга дойду үрдүнэн аны сыл ахсын ыытылларыгар анал өрөбүл олохтонуо. Бырабыыталыстыба 2 сыл устата бүтүн Арассыыйатааҕы диспансеризацияны ыытарга сорудахтыаҕа. Бу туһунан премьер-миниистир Дмитрий Медведев Госдумаҕа 2018 сыл түмүгүн таһаарарыгар иһитиннэрдэ.

Манна эппитинэн, 40-тэн үөһээ саастаахтар диспансеризацияны сыл ахсын ааһыахтара. Медведев бэлиэтээбитинэн, былырыын 22 мөлүйүөн киһи доруобуйатын бэрэбиэркэлэммит буоллаҕына, 2019 сыл бүтүөр диэри ити көрдөрүү 60 мөлүйүөн куоһарыахтаах.

“Судаарыстыба быйылгыттан диспансеризация бырагырааматын кэҥэтэн, 40-тэн үөһээ саастаах дьон доруобуйатын сыл ахсын бэрэбиэркэлэнэрин курдук дьаһаныахпыт. Искэн ыарыытын быһаарарга скрининг саҥа быраабылатын киллэриэхпит”, – диэн Дмитрий Медведев иһитиннэрдэ.

Кини эппитинэн, дьон поликлиникаларынан сүүрбэккэ, быраастары биир мэдиссиинэ тэрилтэтин иһигэр ааһыахтаах.

“Ыарыы быһаарылыннаҕына, бу киһи миэстэтигэр мэктиэлээһини ылыахтаах, эмтээһини салгыахтаах. Ити барыта үлэ биэрээччи олохтообут төлөнөр сынньалаҥ күҥҥэ оҥоһуллуохтаах”,- диэн премьер-миниистир ыйда.

Тарҕат:

Комментарии

Защитный код Обновить