Киирии

Киирии

Эдэр дьиэ кэргэттэри дьиэнэн хааччыйыы хос бырагырааманан Дьааҥы оройуонун тоҕус ыалыгар туоһу сурук туттарылынна. Бу бырагыраамаҕа 6 мөл 374 тыһ солк харчы көрүлүннэ. Улуус баһылыга Гаврил Чириков, дьокутааттар сэбиэттэрин бэрэссэдээтэлэ Екатерина Ноговицына эҕэрдэ тылы эттилэр.

Быйыл Дьааҥы куоратыттан Егор уонна Ньургуйаана Болтуновтар, Станислав уонна Евдокия Слепцовтар, Баатаҕай бөһүөлэгиттэн Николай уонна Екатерина Слепцовтар, Олег уонна Алена Миллер, Иннокентий уонна Зоя Слепцовтар, Ньургун уонна Галина Тулуш, Остуолбаттан Юрий уонна Алена Старостиннар, Дулҕалаахтан Аялуонна Любовь Ермолаевтар, Табалаахтан Валентина Павлова дьиэ кэргэттэрэ дьиэнэн хааччыллыы туоһу суругун туттулар.

«Дьиэҕит сылаас, киэҥ-куоҥ, элбэх ыалдьыттаах, баай-тот буолуҥ», – диэн баһылык Г.И. Чириков дьиэ кэргэттэри итиитик-истиҥник эҕэрдэлээтэ.

Эдэр дьиэ кэргэттэр ааттарыттан харда тыл Дьааҥы куоратыттан Слепцовтарга бэрилиннэ: «Бүгүн биһиэхэ үөрүүлээх күн, хас да сыл күүппүт туоһу сурукпутун туттубут. Кэмигэр туһаныахпыт диэн эрэннэрэбит. Өссө даҕаны эдэр ыалларга күүс-көмө буола тураргытыгар», – диэн эттилэр.

Эдэр ыалаттарга Социальнай бэлиитикэ саламтатын исписэлииһэ Айталина Шадрина, сбербаан олохтоох салаатын салайааччыта Владимир Новошинскай сэртипикээти хайдах туһанар бэрээдэгин туһунан кэпсээтилэр, ыйытыыларга хоруйдаатылар.

 Татьяна Горохова, ulusmedia

Тарҕат:

Комментарии

Защитный код Обновить