Дойду бэрэсидьиэнэ Владимир Путин Аҕа дойду сэриитин кыттыылаахтарыгар сыл аайы 10 тыһ солк бириэмийэ аныыр туһунан ыйаахха илии баттаата.
Бириэмийэни Арассыыйаҕа, Латвияҕа, Литваҕа уонна Эстонияҕа олорор Аҕа дойду сэриитин бэтэрээннэрэ уонна инбэлииттэрэ ылыахтара.
Ону таһынан, Федерация Сэбиэтэ бэтэрээннэр биэнсийэлэригэр эбии төлөбүр систиэмэтин уларытар туһунан бырабыыталыстыба сокуонун бигэргэппитэ. Онон ыйдааҕы төлөбүр ортотунан 9,5 тыһ солк үрдүөхтээх.
