Войти

Войти

Муус устар 25 күнүгэр тахсыбыт РФ Бырабыыталыстыбатын премьер-миниистирин Дмитрий Медведев сорудаҕар,   искэн ыарыытын булбут мэдэссиинэ үлэһиттэрин бириэмийэлээһин туһунан сорук турар.

Бириэмийэ 2020 сылтан бэриллэрэ былааннанар. Дмитрий Анатольевич үбүлээһини 2020, 2021, 2022 сылларга ОМС пуондатын бүддьүөтүгэр  уурары сорудахтаата. Бу соругу толорууга эппиэттээх вице-премьер Татьяна Голикова. Дмитрий Медведев ахсынньы 2 күнүгэр диэри болдьохтоото. Дойду үрдүнэн 2017 сыл түмүгүнэн искэн ыарыытын булуу 617 тыһ түбэлтэтэ тахсыбыт. Бу ол иннинээҕи сылтан 20 тыһ элбэх.

Искэн ыарыытынан ыалдьыы сыл аайы элбээн иһэр. Доруобуйа харыстабылын министиэристибэтин сүрүн онколога Андрей Каприн иһитиннэрэр: “Сыл иһигэр 500 тыһ онтон 560 тыһ, билигин 600 диэри үрдээтэ”. Бу сылга дойдуга онко ыарыылаах дьону регистрациялааһын былааннанар. Манна диагностарын уонна эмтэнии туһунан сиһилии баар буолуоҕа. Бу от ыйыттан үлэлиирэ былааннанар диэн доруобуйа харыстабылын министиэристибэтин хотуна  Вероника Скворцова иһитиннэрбитэ.

Тарҕат:

Добавить комментарий

Бүтэһик сонуннар