«Байдам чөмпүйүөнэ-2019»
«Байдам» сурунаал 2019 сыл иккис аҥаарыгар сурутуутун көҕүлүүргэ – «Байдам чөмпүйүөнэ-2019» – диэн ыам ыйын 6 күнүттэн бэс ыйын 30 күнүгэр диэри биллэриллибит чэпчэтиилээх сурутуу кэмигэр энтузиаст-ааҕааччыларбытыгар саҥа аахсыйа биллэрэбит. Аахсыйаҕа баҕалаах барыта кыттар.
Аахсыйа балаһыанньата
Ыам ыйын 6 күнүттэн бэс ыйын 30 күнүгэр диэри чэпчэтиилээх сурутуу биллэрилиннэ. Бу кэм устата аахсыйаҕа кыттыан баҕалаах бөһүөлэгин дьонугар «Байдам» сурунаал туһунан кэпсээн, ол дьон почтаҕа тиийэн суруталларын ситиһэр. Хас биирдии суруппут дьон квитанциятын куопуйатын хомуйан иһэр. «Сөп буолла» диэтэҕинэ сайаапка толорор, онно хомуйбут квитанцияларын угар уонна эрэдээксийэҕэ ыытар. Ким элбэх дьону сурутан элбэх квитанцияны хомуйбут – ол «Байдам чөмпүйүөнэ-2019» анал ааты сүгэр. Ону сэргэ 2-с, 3-с, 4-с, 5-с, 6-с миэстэлэр олохтоноллор.
Сайаапкаҕа кыттааччы толору аатын-суолун, улууһун, бөһүөлэгин, төлөпүөнүн нүөмэрин суруйар. Сайаапкалары Этот адрес электронной почты защищён от спам-ботов. У вас должен быть включен JavaScript для просмотра. электроннай аадырыска эбэтэр 677018, Дьокуускай к., Киров уул., 18, В блок, 709-с хоско от ыйын 1 күнүгэр диэри күүтэбит.
Сайаапканы кытта суруппут дьон квитанцияларын куопуйалара хайаан да баар буолаллара ирдэнэр. Квитанцияларга дьон аата хатыыланыа суохтаах.
Тэҥнэһии тахсар түгэнигэр кыттааччылар эбии сурутуу оҥороллор. Ол түмүгүнэн кыайыылаах аата быһаарыллар.
Аахсыйаҕа 5-тэн элбэх сурутууну оҥорбуттар кытталлар. Сурутуу хайаан да ыам ыйын 6 күнүттэн бэс ыйын 30 күнүгэр диэри оҥоһуллубут буолуохтаах. Ити болдьох иннинэ оҥоһуллубут сурутуу ылыллыбат.
Бириистэр
Сүрүн бириис: «Байдам чөмпүйүөнэ-2019» кыайыылаах эҕэрдэ суруга, баайы-дуолу, дьолу-соргуну тардар «Жемчуг» ювелирнай хампаанньа үрүҥ көмүс сахалыы харысхал бэлиэтэ уонна Саха сирин норуотун маастара, Арассыыйа худуоһунньуктарын сойууһун чилиэнэ, Хаҥалас улууһун дэгиттэр тимир ууһа Нь.П. Александров оҥорбут 6 000 солк. суумалаах, бастыҥ хаачыстыбалаах саха быһаҕа.
2-с миэстэ – «Байдам чөмпүйүөнэ-2019» кыттыылааҕын эҕэрдэ туоһу суруга, баайы-дуолу, дьолу-соргуну тардар «Жемчуг» ювелирнай хампаанньа үрүҥ көмүс сахалыы харысхал бэлиэтэ уонна «Кукломания» тэрилтэ 5000 солк. суумалаах сэртипикээтэ.
3-с миэстэ – «Байдам чөмпүйүөнэ-2019» кыттыылааҕын эҕэрдэ туоһу суруга, баайы-дуолу, дьолу-соргуну тардар «Жемчуг» ювелирнай хампаанньа үрүҥ көмүс сахалыы харысхал бэлиэтэ уонна «Кукломания» тэрилтэ 3000 солк. суумалаах сэртипикээтэ.
4-с миэстэ – «Байдам чөмпүйүөнэ-2019» кыттыылааҕын эҕэрдэ туоһу суруга, баайы-дуолу, дьолу-соргуну тардар «Жемчуг» ювелирнай хампаанньа үрүҥ көмүс сахалыы харысхал бэлиэтэ уонна «Кукломания» тэрилтэ 2000 солк. суумалаах сэртипикээтэ.
5-с миэстэ – «Байдам чөмпүйүөнэ-2019» кыттыылааҕын эҕэрдэ туоһу суруга, баайы-дуолу, дьолу-соргуну тардар «Жемчуг» ювелирнай хампаанньа үрүҥ көмүс сахалыы харысхал бэлиэтэ уонна 1000 солк суумалаах бэлэх сэртипикээтэ.
6-с миэстэ – «Байдам чөмпүйүөнэ-2019» кыттыылааҕын эҕэрдэ туоһу суруга, баайы-дуолу, дьолу-соргуну тардар «Жемчуг» ювелирнай хампаанньа үрүҥ көмүс сахалыы харысхал бэлиэтэ уонна «Эгэлгэ» ювелирнай хампанньа 1000 солк. суумалаах бэлэх сэртипикээтэ.
Наҕараадалааһын
«Байдам чөмпүйүөнэ-2019» аахсыйа түмүгэ «Кыым» хаһыат от ыйын 4 күнүнээҕи нүөмэригэр тахсыаҕа. Кыайыылаахтары төлөпүөнүнэн эрийэн сэрэтиэхпит. Бириистэри эрэдээксийэттэн кэлэн ылыахтара: Дьокуускай к., Киров уул., 18, В блок, 709-с хос.
Сиһилии билс. төл.: 8 (4112) 34-47-40.
«Байдам» сурунаал чэпчэтиилээх сыаната уонна индексэ: ПР321 1-кы зона – 457,83 солк., 2-с зона – 523,65 солк.
Тэрийэр хамыыһыйа.
