Киирии

Киирии

Олунньу 28 күнүгэр М.К. Аммосов аатынан Хотулуу-Илиҥҥи федеральнай университекка 3-с төгүлүн ыытыллар «Выпускник-2018. За новое село» диэн Саха сирин бары үөрэх кыһаларын бүтэрээччилэр форумнара буолан ааста. Манна тыа сиригэр үлэлии барыан баҕалаах устудьуоннар бырайыактарын билиһиннэрдилэр. Үчүгэй бырайыактары олоххо киллэриигэ бырабыыталыстыба уонна улуус дьаһалтата харчынан өйүөхтэрэ.

         Быйылгы форумҥа барыта 8 үлэни көрдүлэр. Ол курдук, педагогика институтун устудьуона Оксана Григорьева Горнай улууһугар «УМКА» диэн логопед кэбиниэтин, История факультетын устудьуона Иннокентий Яковлев Чурапчы улууһугар «Original» диэн фотостудиялаах типографияны, Таатта улууһугар Альбина Матаннанова «Иис»  ательены, ЧИФКиС устудьуона Саян Иванов «Станция юных туристов» диэн эбии үөрэхтээһин киинин арыйар баҕалаахтарын кэпсээтилэр. АГИКиИ 4-с куурсун устудьуона Наталья Сивцева Аллайыаха улууһугар культурнай-сырдатар киин, ЯГСХА выпускнига Иван Илларионов «Выращивание гриба вешенки в крестьянском хозяйстве “Илларионов Д.В.” Усть-Алданского улуса» диэн бырайыактары көмүскээтилэр. Миниистирдэр уонна улуус баһылыктара бэйэлэрин өттүлэриттэн сүбэ-соргу эттилэр, кыттааччылар үлэлэрин хайҕаатылар.

forum2

Быйыл Саха сиригэр уопсайа үрдүк уонна орто үөрэх кыһатын 6587 устудьуон бүтэриэҕэ. Олортон үрдүк үөрэҕи бүтэрэр 3963 выпускниктан 803-һэ  тыа сиригэр үлэлии барарга үлэ миэстэтин номнуо булан сылдьар. Онтон орто үөрэҕи 2624 устудьуон бүтэрэриттэн 747-тэ тыа сиригэр үлэлииргэ быһаарыммыт. Ыччаты үлэнэн хааччыйыыга биир бастыҥнарынан Мэҥэ Хаҥалас, Хаҥалас, Нам улуустара буоллулар.

         Билигин тыа сирин сайыннарыыга, үлэ миэстэтин таһаарыга улахан болҕомто ууруллар. Онуоха маннык тэрээһин ыччаты тыа сиригэр олохсутарга  төһүү буолара саарбахтаммат.

Аня Аманатова

Тарҕат:

Ырытыыгын суруй

Защитный код
Обновить

Бүтэһик сонуннар