Киирии

Киирии

Ньурба улууһун “Биисинэс инкубатора” олохтоохтор урбаанынан дьарыктанан бэйэлэрин суолларын булуналларыгар олус табыгастаах. Тутуу матырыйаалларын оҥорон таһаарыыттан саҕалаан, толору хааччыллыылаах олорор усулуобуйаны тэрийэргэ ылсыһан үлэлииллэрэ хайҕабыллаах дьыала.

Ньурбатааҕы “Биисинэс-инкубатор” киин генеральнай дириэктэрэ Нюргуяна Михайловна Михайлова: “Максим Николаев дьарыктаах буолуу киин нөҥүө субсидия ылан, куоҥкуруска кыттан, Водолей ИП тэринэн резиденинэн иккис сылын үлэлиир. Кини үлэтэ суох ыччаты түмэн үлэлэтэр. Ньурбаҕа эрэ буолбакка, чугас ыаллыы сытар Сунтаарга, Бүлүүгэ чааһынай дьон сакааһынан олорор усулуобуйаны тупсарыыга үлэлиир. Максим икки оҕолоох дьиэ кэргэн аҕата, олоххо көхтөөх буолан араас тэрээһиннэргэ барытыгар кыттар. Кини быйыл ыччат баалыгар “Бастыҥ урбаанньыт” аатын ылбыта”.

Урбаанньыт Максим Николаев: “Аан бастаан бэйэ дьыалатын саҕалыам иннинэ бэйэм олорор дьиэм усулуобуйатын тупсаран толору хааччыллыылаах гына оҥостубутум. Ньурбатааҕы кэллиэскэ тутааччы-техник идэҕэ үөрэммитим. Ылбыт идэбинэн бэйэ дьыалатын арыйар санаалаах Ньурбатааҕы дьарыктаах буолуу Кииниттэн субсидия ылан, бастаан тэринэрбэр матырыйаалларбын атыыласпытым. Элбэх кыбартыыралаах дьиэлэргэ сантиэхиньикэ тэриллэрин, таҥан оҥорооһун, ититэр систиэмэлэри уларытыы, чааһынай дьиэлэргэ толору хааччыллыыны киллэрии буолар. Сүрүн уонна кыһалҕалаах боппуруоһунан сиэптик киллэрээһинэ. Үксүгэр илиинэн үлэ”. 

Максим кэпсииринэн, “Биисинэс-инкубатор” киинигэр иккис сылын резиденниир. Ааспыт сылга улуустааҕы соцбырагырааманан доруобуйаларынан хааччахтаах дьон олорор усулуобуйаларын тупсарыыга Үөдэй, Акана, Ньурбачаан нэһилиэктэригэр үлэ күүскэ барбыт. Быйыл нэһилиэктэртэн сайаапка хомуллан бүттэҕинэ, үлэ салгыы ыытыллыахтаах. Бу саас Ньурбатааҕы дьарыктаах буолуу киинин кытары оҕолору сайыҥҥы сынньалаҥ кэмигэр үлэлэтэргэ дуогабар түһэрсэн, оскуола оҕолорун үлэлэтэр былааннаах. Дуогабарынан бастайааннай үлэлэһэр дьонноох. Сыаналара, быһа холоон, 120 тыһ.солкуобай. Толорор үлэлэрэ биир сыл болдьохтонон мэктиэлэнэр.

 

Антонина СЕМЕНОВА, ulus.media

Тарҕат:

Комментарии

Защитный код Обновить