Киирии

Киирии

Бу хаартыскаларга көстөрүн курдук, үрэх уута балай эмэ түспүт. Түөрт хонуктааҕыта, Эбэ  толору уулаах этэ. 

mirny
Хаартыскаҕа, Оччугуй Ботуобуйа уҥуор, "стыковка" таксыыта кэлэн, күүтэн турара көстөр. Пассажирдара, хаһан сыыдам үрэҕи оҥочонон туорууллара - "остуоруйа". 
Үрэххэ туоратааччы дьөрү көстүбэт. Саһа кэриэтэ сылдьар дуу, хайдах дуу?! Бука, куораттаабыт эбэтэр Алмазнайдаабыт бадахтаах. Туоратааччы - "муҥур хаһаайын". Хаһан кэлэрин, туоратарын бэйэтэ билэр. 

mirny1
Онон, таксыы аҕалбыт дьоно, таастаах кытылга, күнү быһа күүтэн соҥуоран олордохторуна, бачча сөрүүн түүҥҥэ, хоннохторуна  да соһуйбаккын. Субу турар, дьикти-дьиибэ моһуоннаах катер - нефтяниктар гиэннэрэ, туора дьону, ханнык да манньаҕа төрүт туораппат. 
Бэс ыйын 2 күнүгэр, МУАД понтон чаастарын тиэйэн аҕалан Мииринэй кытылыгар бырахпыта. 

mirny4
Хаһан понтону таҥалларын, МУАДка чуолкайдык хоруйдаабаттар, олус тоҥкурууннар, куруубай аккаас тыллаахтар.
2017 сыллаахха, бэс ыйын 8, 2018 сыллаахха, бэс ыйын 13 күнүгэр понтону туруорбуттара.

mirny1 
Быйыл, "Үрэххэ, уу сиэркилэтэ 90-95  миэтирэ буоллаҕына эрэ понтоны таҥабыт" дииллэр. Онтулара күн бүгүн - 160 миэтэрэ...Быһа барыллаан, понтон түһэригэр болдьох - бэс ыйын 10 күнэ. 

mirny5
Ону, үрэх "хара уута" кэлиэ диэн дьаахханар буолуохтаахтар.

mirny7
Оттон, Сунтаар улууһугар, Кириэстээх аннынан Бүлүү өрүһүнэн,  паромнар тиэхиньикэни, дьону туораппаттар.  
Мотуордаах оҥочолор, айанньыттары, Бүлүү өрүс уҥа кытылыгар таһаллар. 

mirny8
Кириэстээх уҥуор, Халаабык аартыгар күүтэр таксыы, айанньыттары, ити хаартыскаҕа көстөрүн курдук, 130 биэрэстэни айаннаан, Оччугуй Ботуобуйаҕа кэлэн, уҥа, сунтаардааҕы кытылыгар тиксэрэр.
Дьэ, доҕоттор, сити курдук эрэйдээх айаннаахпыт, Мииринэй Сунтаар икки ардыларыгар. Хаһан күргэ тутан абырыыллар? 
Сорох баҕас, ону күүтэ сатаан, таҥхаччы кырдьан эрэр.

Станислав Алексеев. Мииринэй куората. Ааптар хаартыскалара.

Тарҕат:

Комментарии

Водила
+18 Водила 03.06.2019 22:50
Ураа, понтон сегодня вечером спущен!
Ответить
Степанов
+4 Степанов 28.06.2019 07:50
Муостата тутун!
Ответить

Защитный код Обновить