Судаарыстыбаннай кэлим эксээмэн бастакы түһүмэҕэр эксээмэн быраабылаларын кэспиттэрин түмүгэр дойду үрдүнэн 141 оскуоланы бүтэрээччи эксээмэнтэн туоратыллыбыт. Бу туһунан Рособрнадзор пресс-сулууспата иһитиннэрбит.
Быраабыланы кэһиигэ, сүрүннээн, шпаргалканы туттуу (56 бүтэрээччи ити туһуттан үүрүллүбүт), суотабай төлөпүөнү туһаныы (58 оҕо) киирэр эбит. Ону тэҥэ биир эрэгийиэҥҥэ тэрийээччилэр өттүлэриттэн эксээмэннэнээччигэ көмөлөһүү бэлиэтэнэн, туоратыллыбыт. Бу оҕолор түмүктэрэ ааҕыллыбат. Иккистээн боруобаланар кыах нөҥүө сылыгар эрэ бэриллэрин санатар тоҕоостоох. Онон кинилэр алҕастарын хатылаабаттарыгар сүбэлээбиттэр. Ону тэҥэ ыарытыйа сылдьар кэмнэригэр эксээмэнтэн туттунар ордуга этиллэр.
