Киирии

Киирии

Сыл саҥатыттан Арассыыйа таһыгар тахсалларын быстах кэмҥэ хааччахтаан Саха сирин суут бириистэптэрэ 15696 быһаарыыны ылыммыттар.

 

Бу туһунан өрөспүүбүлүкэ суут бириистэптэрин Федеральнай сулууспатын пресс-сулууспата иһитиннэрэр.

Бүгүҥҥү күҥҥэ уопсайа 19 258 киһи тас дойдуга барбатын курдук хааччахтаах. Олортон 2984 – элимиэҥҥэ иэстээх дьон.

Маннык хааччах Арассыыйа хайа баҕарар муннугар дьайарын туһунан Управление өссө төгүл санатар. Эһиги дойду хайа баҕарар муннугуттан 10 тыһ. элбэх элимиэҥҥэ иэстээх, доруобуйаҕа эчэйиини оҥоруу иһин хоромньуну, буруйу оҥоруу түмүгэр иитээччи өлөн, баай-дуол, моральнай хоромньуну төлөөбөтөх буоллаххытына тас дойдуга тахсаргы быстах кэмҥэ хааччахтанар. Маны таһынан, суут уурааҕынан баайга-дуолга сыһыана суох  30 тыһ. солк. элбэх иэстээх буоллаххытына эмиэ тахсаргыт хааччахтанар. Онон уопускаҕа соҕуруу көтүөх иннинэ эрдэтэн иэскитин бэрэбиэркэлээн, төлөөн баран холкутук айаннаабыт ордук.

Тарҕат:

Комментарии

Защитный код Обновить