Олунньу 28 күнүгэр М.К. Аммосов аатынан Хотугулуу-Илиҥҥи федеральнай университекка 3-с төгүлүн “Выпускник-2018. За новое село” пуорум ыытыллыбытын туһунан сырдаппыппыт. Бу тэрээһиҥҥэ өрөспүүбүлүкэ үөрэҕин кыһаларын бүтэрээччилэр кыттыбыттара. Эспиэр быһыытынан, миниистирдэр, улуус баһылыктара, үөрэх салаата уонна чааһынай тэрилтэлэр бэрэстэбиитэллэрэ кыттыбыттара. Санаттахха, тыа сиригэр үлэлии барыан баҕалаах бастыҥ бырайыактаах выпускниктарга бырабыыталыстыба уонна улуус өттүттэн көмө оҥоһуллуоҕа.
2018 сылга ХИФУну бүтэрэр выпускниктар бырайыактара:
- Горнайтан Оксана Григорьева, Педагогическай институт выпускнига. Бырайыага – “Логопедический кабинет в с. Бердигестях”.
- Чурапчыттан Иннокентий Яковлев, Историческай факультет выпускнига. Бырайыага – “Фотохудожественная студия “Limitless”.
- Тааттаттан Альбина Матаннанова, Математика уонна информатика институтун выпускнига. Бырайыага – “Пошив детских костюмов”.
- Иван Ноговицын, Инженернэй-техническэй институт выпускнига. Бырайыага – “Умный дом “RoboHouse”.
- Иван Попов, Мэдиссиинэ институтун выпускнига. Бырайыага – “Создание условий для интеллектуального и творческого развития в селах”.
- Руслан Попов, Математика уонна информатика институтун выпускнига. Бырайыага – “Энергоэффективность и энергосбережение в социальных объектах в сельской местности”.
- Артем Федоров, Инженернэй-техническэй институт выпускнига. Бырайыага – “Инженерное обеспечение жилых домов в условиях Крайнего Севера”.
- Владимир Калитин, Инженернэй-техническэй институт выпускнига. Бырайыага – " Строительство энергоэффективных индивидуальных домов".
- Николай Местников, Физико-техническэй институт выпускнига. Бырайыага – “Принципы внедрения малой гидроэнергетики в условиях Арктической зоны Якутии”.
Түмүктээн эттэххэ, хас биирдии бырайыакка тустаах интэриэс үөскээтэ. “Бу бырайыактары олоххо киллэриигэ кэнэҕискитин үлэ ыытыллыаҕа, өйөбүл баар буолуоҕа” диэн эспиэрдэр бэлиэтээн эттилэр. Холобур, тутууга аналлаах Артем Федоров, Владимир Калитин уонна Руслан Попов бырайыактара эспиэрдэр интэриэстэрин сүрдээҕин тартылар. ХИФУ ректорын эбээһинэһин толорооччу Евгения Михайлова бигэргэтэринэн, бу үс бырайыак университет тутуутун класстерыгар киирбиттэр. Онон ыччат тыа сирин сайыннарар санаалаах, сытыы толкуйдаах диэн өйдөбүл үөскүүр.
Санаттахха, бу пуорумҥа ХИФУ выпускниктарыттан ураты Тыа хаһаайыстыатын академиятыттан, Чурапчытааҕы физическэй култуура уонна спорт институтуттан, Арктикатааҕы култуура уонна искусство институтуттан выпускниктар бырайыактарын көмүскээтилэр.
ХИФУ саайтын матырайаалларыгар
олоҕуран суруйда Екатерина Афанасьева.
