Киирии

Киирии

Урбаан, эргиэн уонна туризм министиэристибэтин иһинэн “Мой бизнес” Киин Ил Дархан иһинэн хоруупсуйаны бохсор Управлениетын кытары аччыгый уонна орто урбаан субъектарыгар “Бизнес против коррупции” диэн социальнай видеоролик сценарийын оҥороргр өрөспүүбүлүкэтээҕи күрэҕи биллэрдилэр.

Бу күрэх аччыгый уонна орто урбаан субъектарын хоруупсуйаны кытары охсуһарга, урбаанньыттар уонна кинилэр түмсүүлэрэ судаарыстыбаннай былааһы кытары нэһилиэнньэҕэ хоруупсуйаны ыытар үлэтин көҕүлүүр сыаллаах ыытыллар.

Күрэх бу дьыл бэс ыйын 5 күнүттэн атырдьах ыйын 31 күнүгэр дылы ыытыллар. Хас биирдии кыттааччы биэскэ тиийэ сайаапканы түһэриэн сөп. Кыттааччылар саастара хааччахтаммат.

Саамай үчүгэй сценарийы оҥорон кыайбыт кыттаччы “Биисинэс хоруупсуйаны утарар” диэн социальнай хабааннаах видеоролигы оҥоророругар хантыраагы түһэрсиэҕэ. Видеоролик телевиденияҕа, куорат экраннарыгар уонна СМИгэ киэҥник тарҕаныаҕа.

Күрэх быраабылата Саха сирин орто уонна аччыгый урбаанын порталыгар http://portal.b14.ru/news/konkurs-na-luchshij-stsenarij-sotsialnogo-videorolika-biznes-protiv-korruptsii-sredi-subektov-msp/ сиһилии ыйыллар. Бу туһунан “Мой бизнес” Киин иһитиннэрэр.

Тарҕат:

Комментарии

You have no rights to post comments

Бүтэһик сонуннар