Киирии

Киирии

Уһун күүтүүлээх Оччугуй Ботуобуйа үрэх күргэтэ хаһан тутулларын, дьон-сэргэ тулуурдаахтык кэтэһээхтиир. «Бүлүүчээҥкэ күргэтин бүтэрэн баран, Оччугуй Ботуобуйаҕа ылсыhыахпыт» диэбиттэрэ. Ити туһунан 2012 сыл от ыйын 17 күнүгэр, Улахан уонна Кыра Өлөҥ үрэхтэрин муосталарын үлэҕэ киллэриитин туомугар эппиэттээх салайааччылар этэн-тыынан ахан биэрбиттэрэ.

Оччугуй Ботуобуйаттан 60 биэрэстэ илин сытар Бүлүүчээҥкэ үрэх күргэтин тутуу 2005 сылтан саҕаланан баран тутуллубакка, өр да өр соҥуоран турбута. 2013 сылга эрэ сыһаҕастаһан бүтэрбиттэрэ. Аҕыс сыл устата бу күргэ “дьиҥнээх пааматынньык” буолан кэлэппитэ.Манан сэдиптээтэххэ, “Росавтодортан” тиэтэтиитэ суох, дьыала оннун булара саарбах. Оттон Оччугуй Ботуобуйаҕа күргэни тутууну көҥүллүүр докумуоннар “Росавтодортан”, тоҕо эрэ, бэриллэ иликтэр. Мантан сылтаан күргэни тутуу боппуруоһа ончу да бытаарбыт. Оччугуй Ботуобуйа күргэтин билиҥҥи МУАДтан (быраҕыллыбыт Новай бөһүөлэгэ) 50 миэтэрэ тэйиччи тутуохтаахтар.

mir3

Тохсунньу 22 күнүгэр ““РНГ-Снабжение” хампаанньа бэдэрээччитэ – “ВостоСибспецмонтаж” диэн Москуба тэрилтэтэ тутууга ылсыбыт. Оччугуй Ботуобуйа үрэҕин туоруур күргэ 2020 сыл 4-с кыбаарталыгар тутуллан бүтүөхтээх”, - диэн «Якутия24» саайтка бэдэрээччит бэрэстэбиитэлэ биллэрбитэ. Күргэ бырайыагын “Новосибирскгипродорнии” билим института оҥорбут. Муоста уһуна – 190 миэтэрэ, түөрт систээх буолуохтаах диэн, «Бүлүү» федеральнай суол управлениетыттан миэхэ субу биллэрдилэр.

Баатыгыраан, дьэ, балачча бөдөҥ күргэ буолуо эбит!

«Росавтодор» көҥүлэ бэриллэ илик буолан, бэдэрээччит тэрилтэ – «ВостоСИБспецмонтаж»(Москуба к.), күн бүгүн күргэ “атахтарын” да туруорууга киирсиһэ илик. Үрэх аттынан тиэхиньикэ балачча элбэх, богуончук да баар ахан. Арай, муостаны тутар-таҥар буһуруктаах үлэ хаһан саҕаланара биллибэт. “Бүлүү” федеральнай суол управлениетын эппиэттээх үлэһиттэрэ миэхэ биллэрбиттэринэн, Курган собуотугар күргэ систэрин бэлэмниэхтээхтэр.

mir2

Оччугуй Ботуобуйаны туора сытар күргэ тутуллуохтаах сирэ тутуу кэмбинээттээх сиртэн – Мииринэй куоратыттан 20 биэрэстэлээх сиргэ сытар. Оччотугар дьыала-куолу сыыдамнык да барыа эбит. Кэлиҥҥи кэмҥэ Оччугуй Ботуобуйаны туоруур күргэ тутуллуутун туhунан чунуобунньуктар кырдьыгы этэртэн сэрэнэллэр. 2019 сыл номнуо сай ортото, субу чугаһаата.

Үрэхпитигэр, бэл, муоста “атахтара” да мэлигирдэр! Оччотугар, 2020 сыл төрдүс кыбаарталыгар күргэ дьэндэс гыныа дуо?

Станислав Алексеев, Мииринэй куората.

Ааптар уонна Ю.Иванов хаартыскаларыгар – Оччугуй Ботуобуйа үрэх Мииринэй куорат аттыгар.

Тарҕат:

Комментарии

Павлов А
+4 Павлов А 18.06.2019 15:36
Мирнэй, Ленскай олохтоохторугар бу муоста, суол букатын наадата суохтар.
Оттон Бүлүү бөлөх дьонугар наада. Холобур сунтардарга. Дьонноро Мирнэйгэ үлэлииллэр, вахтанан, на постоянке. Уруулара олороллор. Оҕолоро СВФуга, МРТКҕа, медучилище филиалыгар,Светлэй колледжыгар үөрэнэллэр. Сунтар коммерсаннара Новосибирскайтан "S7" рейсин Иркутскайтан "Ангара" рейсин Мирнэй аэропордугар көрсүтэлээн груз ылаллар. Ол грузтан Сунтар аһаан таҥнан олорор.
Сунтарга Первай рынокка, "Татыйыына" маҕаһыыннарыгар, "Тандемҥа" груз Мирнэйтэн кэлэр. Ол иһин муоста наада.
Ответить
Анатолий
+1 Анатолий 19.06.2019 11:07
Сөпкө эттиҥ
Ответить

Защитный код Обновить