Киирии

Киирии

Бу ый саҥатыттан оскуола оҕолоругар сайыҥҥы сынньалаҥ саҕаланна.

Уопсайа 661 чэбдигирдэр лааҕыр аһыллыа. Олортон 500 күнүскү, 41 куорат таһынааҕы, 67 балаакканан, 52 үлэ, сынньалаҥ уонна 1 санаторий. Ону таһынан, «Океан», «Орленок», «Артек», «Смена» лааҕырдарга 5500 оҕо сынньаныа. Уопсайа 73 783 оҕо, ол аата оскуола үөрэнээччилэрин уопсай ахсааныттан 50,5% буолар.

Лааҕырдарга араас интэриэһинэй тэрээһиннэр ыытыллыахтара. Оҕолорго анаан сааратар бырагыраамма: араас оонньуулар, куонкурустар, күрэстэһиилэр уо.д.а. баар буолуохтара. Тэрийээччилэр хас биирдии оҕо сайыҥҥы сынньалаҥын туһалаахтык,  умнуллубаттык атаарарыгар кыһаллаллар”, – диэн пресс-сулууспа үлэһиттэрэ бэлиэтииллэр.

Оҕолору 5000 тахса мэдиссиинэ уонна педагогика үлэһиттэрэ уһуйуохтара, көрүөхтэрэ-истиэхтэрэ. “Безопасное детство” диэн аахсыйа чэрчитинэн эрэйдээх оҕолорго улахан болҕомто ууруллуо. Социальнай өйөбүлгэ наадыйар уонна төрөппүт көрүүтэ-истиитэ суох хаалбыт, тулаайах оҕолор үлэнэн, сынньалаҥынан иллэҥэ суох буолуохтара. Үгэс курдук сайыҥҥы каникул кэмигэр улахан оҕолору үлэнэн хааччыйыы былааннанар.

 News.Ykt.Ru

Тарҕат:

Комментарии

Защитный код Обновить