Мииринэйгэ Ленинградскай бэрэспиэк утарытыгар, 197 кыбартыыралаах дьиэ түөрт сыллааҕыттан ыла бэттэх тохтуу-тохтуу тутуллаахтыыр. Күн бүгүнүгэр диэри бүтүөхчэ бүппэккэ турар.
Дьиктитэ диэн, бырайыак быһыытынан, хоту сиргэ булгуччулаах, уһун сыбаайа туруору саайыллыбакка, котлован хаһыллан, тимир-бетон тулааһын үрдүгэр олордуллубут дьиэ. Эбии этиэм этэ, хара маҥнайгыттан ыар быһылааннардаах, эрэйдээхтик тутуллубут эбийиэк. Бу тутуу олоххо киирэрин кэтэһэр, кыттыһан, өлүүлэһэн тутууга үп-харчы уурбут дьон тулуйалларын ааһан тураллар. Кэм-кэрдии ыраатта. Дьиэ тутуута саҕаламмыта түөрт сыл буолла.
2015 сыллаахха
Бастаан утаа, бу дьиэни 2016 сыллаахха олоххо киллэрэргэ соруммуттара.
2016 сыллаахха
Онтон 2017 сылга тутууну бүтэрэн “киллэрэбит” дииллэрэ туолбатаҕа.
2017 сыл тохсунньутугар
2018 сылга баҕас дьиэ толорутук дьэндэйэр диэбиттэрэ, эмиэ сиикэй эрэннэрии буолан хомоппута.
Бүгүҥҥү көстүү
2019 сыл олунньутугар дьиэ бэлэм диэбиттэрэ да, олоҕо суоҕун хаартыскаҕа түһэртэлээн көрдөрбүтүм.
Онтон, 2019 сыл сааһыгар, үс подъезд бэлэм, төрдүскэ түмүктүүр үлэлэр бараллар диэбиттэрэ. Хантан? Бу дьиэ тутуутугар, кыбартыыра ыларга ботуччу үбү-харчыны уурбут дьон кэтэһэн кэлтэгэй буоллулар..
Дьыаланы Саха сирин тутуутун министиэристибэтэ, Мииринэй куорат борокуратуурата хонтуруоллууллар.
Интэриэстээх дьон бу дьиэ тутуута олус бытаарбытыттан дьиксинэн, Саха сирин ол кэмнэрдээҕи баһылыгар – Егор Борисовка, билиҥҥи Ил Дархаҥҥа - Айсен Николаевка, суут-сокуон уорганнарыгар үҥсүү суруктары ыыталаабыттара.
197 кыбартыыралаах дьиэни тутар бэдэрээччит – «Строймонтаж2002» үрдүкү салалта уонна борокуратуура сэмэтэ улаатан, туһааннаах миэрэлэри ыларга киирсиһэ сылдьар.
Соторутааҕыта Саха Өрөспүүбүлүкэтин Тутуутун миниистирэ Павел Аргунов, бу уһун унньуктаах тутууга сылдьан, бэдэрээччит тэрилтэ салайааччытын - Роман Приходьконы кытары көрсөн кэпсэттэ. Дьиэ устатын-туоратын тухары, туох дьиэк, сыысхал баарын уталыппакка туораталларыгар ыйыы, дьаһал биэрдэ.
Ол курдук, 12 этээстээх дьиэ аҥаарыгар инженернэй тиһик, тупсарыы ситэтэ суохтара биллибитэ.
Подъезтар өрөмүөн кириттэн-хоҕуттан сол босхолоно иликтэр. Дьиэ хоту диэки эркинэ сыгынньах нэлэйэн турар.
Дьиэ иннэ – тобус-толору бөх, оргул. Хаартыскаҕа, ол ырылыччы көстөр.
Дьэ ол да буоллар, үгүс үҥсүү, харсыы киирэн, биһиги, суруналыыстар кыттыһаммыт, тутуу уолдьаһан эрэр.
Ол иһигэр, «Якутия24» уонна «Кыым.Ру» информационнай порталларбыт, быстарыга суох дьыаланы хайдах баарынан биллэрэннэр-иһитиннэрэннэр, айдааны-куйдааны таһааран, тутуу биэтэккэ чугаһаата.
Мин, «Якутия24» информационнай порталга, 2017 сыл тохсунньутугар, тутуу хамсаан эрэрин суруйбуппар, анонимнар, сидьиҥ, балыырдаах тылларынан үөхпүттэрэ. «Буруйум» диэн тутуу сөргүтүлүннэ диэбит үһүбүн.
Итинник, киһи көмөтүгэр силлиир-хаахтыыр дьонтон, киһи аҥаардастыы кэлэйэр эрэ. Биһиги медиа-бөлөхпүт, бу дьиэҕэ туһааннаах таһаарыыларын, үгүс ахсаннаах үҥсүүлэргэ туһаммыттарын билэбин.
Итинэн сибээстээн, бу уһун унньуктаах тутуу үрдүкү салайааччылар харахтарын далыгар киирбитигэр, уопсастыба турунуутугар «Ситим» медиа-бөлөх дьаныардаахтык көмөлөстө.
Соторутааҕыта салайааччылар эрэннэрбиттэринэн, от ыйын бастакы күнүгэр дьиэ бэлэм буолуохтаах. Өскөтүн туох эрэ бөрүкүтэ суох моһол кыттыспатаҕына. Онуоха диэри нэдиэлэ эрэ хаалла.
Онон, манна кыбартыыра ыларга сорунааччыларга, эрэл кыыма дьэ кытыаһынна. Хайдах буолар?
Станислав Алексеев, Мииринэй.
Ааптар дьиэ тутуутугар аналлаах хас да сыллар усталарынааҕы хаартыскалара.
Сэҥээриилэр
bağlı Kaçakçılık Suçlarıyla Mücadele Şube Müdürlüğü Polisleri;
peş peşe düzenlediği seri operasyonlarla çok sayıda sahte, taklit ve kaçak ürün ele geçirdi.
my blog :: Nükleer Tıp ve Moleküler Görüntüleme Derneği SNMMI: http://enrightenterprises.com/__media__/js/netsoltrademark.php?d=gromanbouw.nl%2Fcl%2Fx53ek7j8
servis süreçlerinin süresi, Bu faktörler hastanın acil serviste kalış süresine etki ederek acil servis.
My web site: Jakiej grupy leków jest albenza: http://stromectol4pro.top/pl/m98f9h