Бүгүн, бэс ыйын 27 күнүгэр Дьааҥы улууһугар ойуур баһаара тарҕанан ыксаллаах быһыы-майгы биллэриллибитинэн Ил Дархан Айсен Николаев тиийдэ.
Ил Дархан сөмөлүөттэн түһээт подполковник, РФ ЫБММ Саха сиринээҕи салаатын аэромобильнай бөлөҕүн салайааччы А.А. Павлов, нэһилиэнньэлээх пууннары уоттан харыстыырга бэлэмнэрин туһунан рапорын истээт Дьааҥы сирин-уотун көрө бөртөлүөтүнэн көттө.
Ил Дарханы кытта балаһыанньаны үөрэтэ тиийдилэр: бырабыыталыстыба бэрэссэдээтэлин бастакы солбуйааччы А.З. Колодезников, бырабыыталыстыба бэрэссэдээтэлин солбуйааччы Д.Г. Белозеров, РФ ЫБММ Саха сиринээҕи салаатын начаалынньыга П.С. Гарин, тыа хаһаайыстыбатын миниистирэ А.П. Атласов уо.д.а.
“Вести Верхоянья” хаһыат, ulus.media
