Киирии

Киирии

Зырянка бөһүөлэгэр 12,5 МВт кыамталаах саҥа хочуолунай дьиэтэ тутуллар. Бу туһунан СӨ ОДьКХ Үөһээ Халыматааҕы салаатын үлэһиттэрэ иһитиннэрэллэр.

 5-с №-дээх саҥа хочуолунай 60-с сылларга тутуллубут икки эргэ хочуолунайы солбуйуо. СӨ ОДьКХ салаатын дириэктэрэ Кудрат Лукманов кэпсииринэн, билиҥҥи туругунан эбийиэк акылаата бэлэм, оһохтор уонна салгыны ититэр тэрил турбуттар.

432 кв м иэннээх дьиэ тимир каркастаах, сэндвич-панелынан тутуллар. Хочуолунайга 2,5 МВт кыамталаах биэс чох оһоҕо турда. Эбийиэги “Арктика” тэрилтэ “РемСтройПроект” бырайыагынан тутар”, – диэн Кудрат Лукманов иһитиннэрэр.

Саҥа хочуолунайга   социальнай эбийиэктэр, олорор дьиэлэр холбонуохтара. Ону таһынан, хаарбах дьиэттэн көһөрүү бырагыраамматынан тутулла турар элбэх кыбартыыралаах дьиэлэри итиинэн хааччыйар буолуоҕа.

Тарҕат:

Комментарии

Защитный код Обновить