Киирии

Киирии

Мииринэйдээҕи дьарыктаах буолуу кииҥҥэ ханнык да улуустааҕар дэлэй бакаансыйа баар. Үрдүк хамнастаах үлэ  талбыта баар. Ол эрэн, баһыйар үгүһэ тэхиньичэскэй, оробуочай, бырамыысалынас уонна тыраанспар идэлэрэ буолаллар.

Мииринэй оройуонун үрдүнэн орто хамнас - 102 тыһ 300 солк. Бүгүҥҥү күҥҥэ саамай үрдүк хамнастаах үлэҕэ “АЛРОСА-Авиа” хампаанньа ыҥырар. “Боинг-737” көтөр аал хамандыырын хамнаһа 302 тыһ солк тэҥнэһэр. Маннык икки бакаансыйа баар.

Оттон ньиэп үлэһиттэрин этэр буоллахха, “ТаасҮрэхнефтегаздобычаҕа” гаас уматыгы ыгар учаастакка (компримированный газ) салайааччы (122 тыһ солк), скважиналары кытары үлэҕэ үрдүкү таһымнаах, уон сылтан итэҕэһэ суох ыстаастаах инженер(103 тыһ 359 солк), ньиэби ыраастыыр, “таҥастыыр” үлэҕэ эппиэттээх салайааччы (96 тыһ солк) ирдэнэллэр. “АЛРОСА” Удачнайдааҕы хайаны байытар кэмбинээтигэр, шахтаҕа, бэһис эрэсэрээттээх дэлби тэптэрээччини (118 тыһ 536 солк), бурстанок машиниһын (109 тыһ 566 солк), шахта тэриэбэтин хааччыйар 5-с эрэсэрээттээх силиэсэри (95 тыһ 100 солк) ыҥыраллар. “АЛРОСА” УКС-гар (хапытаалынай тутуу тэрилтэтэ) Мииринэйдээҕи шахтаны тутар трескэ (МСШСТ) уот мэхээнньигин (93 тыһ 212 солк), тутуу салалтатыгар начаалынньыгы солбуйааччытын (128 тыһ 055 солк) көрдүүллэр.

miirinei

miirinei2

60-70 тыһ хамнастаах идэ дэлэй. Талыаххын эрэ наада. Барыта тэхиньичэскэй идэлэр. Силиэсэр, уматык сүүрдэр утум маастара, оператор, суоппар, элиэктирик уо.д.а. Уматык барар утумун, тиэхиньикэни, араас хабааннаах тэриэбэни билиэххэ наада.

“Якутскэнерго” хампаанньаҕа, Бүлүү ГЭС Күрүлгэнигэр (Чернышевскай) 95 тыһ солк хамнаска метрология инженерин көрдүүллэр. Оттон бу тэрилтэ самалыгар ЗЭС-кэ тэхиньичэскэй кэтэбил инженерэ (91 тыһ 108 солк), РЭС диспиэччэрэ (92 тыһ 108 солк), ВОЛС лииньийэтигэр бастакы категориялаах инженер (77 тыһ солк) ирдэнэллэр.

miirinei3

miirinei4

“АЛРОСА-Гаас” тэрилтэ субу-субу бакаансыйа арааһын таһаарар. Манна ЛЭС (Линейно-эксплуатационный отдел) маастара ирдэнэр. Хамнаһа – 72.000 солк. Мииринэй УЖКХ-гар кылаабынай бухгаалтыр (106 тыһ 009 солк), энергосыах отделын салайааччыта (75 тыһ 022 солк) бакаансыйалар бааллар. “АЛРОСА-Торг” былаан отделын салайааччытын үлэтигэр ыҥырар (105 тыһ солк). Мииринэйгэ олохтоох тэлэбиидьэннэҕэ кылаабынай режиссер кэлэрин кэтэһэллэр. Хамнаһа – 82 тыһ 814 солк. Мииринэйдээҕи интернат-оскуолаҕа устуоруйа учуутала (87 тыһ 498 солк) ирдэнэр. Идэтийиитэ суохтарга хамнас кыра. Накыыҥҥа баахта ньыматынан харабылга, муоста сууйааччыларга, оробуочайдарга хамнастара эмиэ соччото суох – 40-45 тыһ солк. Ону айан, баахта кэмигэр олоруу, босхо аһылык, айаҥҥа таксыы ороскуотун толуйабыт диэн биллэрэллэр. Оччоҕо син сөбүгэр буолан тахсар. Итинэн да холобурдаатахха, Мииринэйи атын улуустарга уонна Дьокуускайга холоотоххо, эдэр дьоҥҥо үлэ баар. Олорор дьиэ булбут дьоҥҥо бэртээхэй.

miirinei5

Станислав Алексеев, Мииринэй куората. Ааптар, “АЛРОСА-Авиа” саайтыттан уонна Слава-Gelio Степанов хаартыскалара.

 

Тарҕат:

Комментарии

Технарьбын
+8 Технарьбын 16.07.2019 12:55
Сахалар үлэлиир сирдэрэ-тхм, агротехснаб, музей, архив, культуровед, музыковед, историк, журналист. "Якутскэнергоҕа", ГРЭСкэ, ТЭЦкэ, ЦЭСкэ, ЯПАТПка, авиацияҕа, речпортка киирэн испэттэр. Саатар общепитка суохтар.
Ответить
Сахабын
+8 Сахабын 16.07.2019 18:14
:sigh: Сепке эттин :-?
Ответить
Ньурба авиаотряд
+5 Ньурба авиаотряд 17.07.2019 07:40
Мииринэйгэ авиацияҕа пилоттар хамнастара эрэ буолбакка премиялара эмиэ чуоккай. "ТУ-154", урут МАП эрдэҕинэ биир саха уола баара. А так Мииринэйгэ авиацияҕа саха сэдэх. Үчүгэй суола-ииһэ суох дойдуга авиация син-биир главенствующай буолуо. Онон, саха оҕолорун үөрэттэриэххэ баара. Урут, Кингиссепка уонна Бугуруслаҥҥа үөрэммит оҕолор Саха сиригэр достойнай кадрдар буолбуттара.
Ответить

Защитный код Обновить

Бүтэһик сонуннар