Киирии

Киирии

Бүлүү улууһугар тыа сирин сайыннарыыга туһуламмыт бырайыактары үбүлээһиҥҥэ нэһилиэктэр сайаапкаларын көрдүлэр. Бу туһунан улуус дьаһалтатын прес-сулууспата иһитиннэрэр.

Үбүлээһин икки сүрүн усулуобуйалаах. Бастакынан, бырайыагы олохтоох дьон  көҕүлээбит буолуохтаахтар уонна харчынан өйөбүлэ  суох олоххо киирбит буолуохтаах. Холобур, субуотунньуктар, араас аахсыйалар, маассабай үлэ.

Мунньахха киирбит сайаапкалары барытын көрдүлэр. Ол түмүгүнэн 19 сэлиэнньэ сири тупсарыыга 1-дии мөл солк ылыахтара. Үгүс сэлиэнньэлэр хас да тэрээһини ыытыахтара, оттон  сорохтор биирдии эрэ”, – диэн иһитиннэриигэ суруллар.

Өкүндү, Балаҕачча, Үгүлээт олохтоохторо хаарбах дьиэлэри көтүрүү бырайыагын таллылар. Кыһыл-Сыыр, Илбэҥэ, Тыымпы, Балаҕачча, Уһун нэһилиэктэр  суол уотун оҥоруохтара, өрөмүөннүөхтэрэ.

Дьөккөн, Кыргыдай, Тыымпы, Чинэкэ, Бөтүҥ нэһилиэктэригэр Ыһыах ыытыллар паркалара тутуллуохтара уонна өрөмүөннэниэхтэрэ.

Хампа, Лөкөчөн, Тылгыны, Хаҕын, Чочу уонна 2-с Күүлэт нэһилиэктэригэр саҥа сквердэри тутуохтара уонна баар пааматынньыктары өрөмүөннүөхтэрэ.

Оттон Лөкөчөҥҥө, Үгүлээккэ видеонан устуу баар буолуоҕа. Халбаакыга уонна Кыадаҥдаҕа саҥа успуорт былаһааккалара тутуллуохтара.

Бүлүү куорат уонна Бороҕон нэһилиэгин дьаһалталара сайаапкаларын өссө да ыыта иликтэр.

 News.Ykt.Ru

Тарҕат:

Комментарии

You have no rights to post comments

Бүтэһик сонуннар