Ил Дархан Айсен Николаев Алдан оройуонугар хаарбах дьиэлэртэн дьону көһөрүү бырагыраамма төһө көдьүүстээхтик үлэлиирин билиситэ.
Ил Дархан Алдан куоракка тутулла турар элбэх кыбартыыралаах дьиэлэри көрдө-иһиттэ. Билиҥҥи туругунан бу бырагыраамманан Алдаҥҥа элбэх кыбартыыралаах биэс, оттон оройуон үрдүнэн 13 дьиэ тутулла турар. Алдан ордук элбэх хаарбах туруктаах дьиэлэрдээх оройуоннар кэккэлэригэр турар. Инньэ гынан, Ил Дархан оройуон дьаһалтатын салайааччыларыгар муниципальнай тэриллиилэри кытта күүскэ үлэлииллэригэр эттэ.
