Бастакы поезд Алдантан от ыйын 26 күнүгэр 19.00 ч айанныаҕа уонна от ыйын 27 күнүгэр Аллараа Бэстээххэ 13.00 ч кэлиэҕэ. Машинистар Юрий Пыльцын уонна Андрей Москвитин.
Бастакы поезд пассажирдарынан БАМ уонна АЯМ тутааччылара, “Саха сирин тимир суола” үлэһиттэрэ, уопсастыбаннай бэрэстэбиитэллэр, суруналыыстар уонна муниципальнай тэриллиилэр салайаачылара буолаллар.
Ыстаансыйа үөрүүлээх арыллыытыгар Арассыыйаҕа биллэр бөлөх “Самоцветы” ыалдьыттыахтара. Ону таһынан, Дьокуускайтан уонна Хабаровскайтан артыыстар кыттыахтара. Саха сирин устуоруйатыгар киирэр түгэни көрүөн баҕалаахтарга, Аллараа Бэстээх причалыттан ыстаансыйаҕа диэри босхо оптуобустар сылдьыахтара.
