Бүгүҥҥэттэн Аллараа Бэстээхтэн Нерюнгрига диэри айанныыр пуойаска билиэттэри РЖД саайтыттан атыылаһыахха сөп.
Нерюнгри куоракка диэри айан 18 ч 30 м. Плацкарт богуоҥҥа билиэт сыаната 1654 солк, оттон купеҕа — 3064 солк. Билигин Нерюнгрига эрэ диэри билиэттэр атыыга таҕыстылар. Атын хайысханан айан билиэттэрэ атырдьах ыйын 15 күнүн кэнниттэн атыыланыахтара.
“Саха сирин тимир суола” тэрилтэ генеральнай дириэктэрэ Василий Шимохин иһитиннэрбитинэн, пуойас күн көтө-көтө көнө хайысханан сылдьар. “Дьон элбээтэҕинэ эбии богуоннары эбэр кыах баар”, – диэн эттэ.
