Киирии

Киирии

Бэс ыйын 24 күнүгэр Кэбээйи улууһугар 6000-х уол оҕо күн сирин көрдө. Ону туоһулуур докумуону бэҕэһээ, от ыйын 24 күнүгэр оҕо төрөппүттэригэр Матрена уонна Александр Николаевтарга, СӨ үлэҕэ уонна социальнай сайдыыга миниистирэ Елена Волкова туттарда.

Сангар  эдэр ыалын иккис оҕото буолар. Уолларын Харысхан диэн ааттаабыттар. Туоһу докумуону кытта улуус дьаһалтатыттан өйдөбүнньүк бэлэхтэри туттулар. Матрена Николаева улуус дьаһалтатыгар исписэлииһинэн онтон  Александр Николаев  Росгвардияҕа үлэлииллэр.

“Бүгүн уолбут биир ыйын туолла. Өрөспүүбүлкэҕэ 6000-х оҕо буолбутуттан олус үөрэбит. Эдьиийэ аҕабыт суоҕар илии-атах буолан абырыыр”, – диэн төрөппүттэрэ үөрэ кэпсииллэр.

Кэбээйи улууһун ЗАГСа салайааччыта Альбина Жиркова иһитиннэрбитинэн,  сыл бастакы аҥаарыгар улууска 44 оҕо төрөөбүт,  олортон 19 — Сангаарга.

ysia.ru

Тарҕат:

Комментарии

Защитный код Обновить