Ил Дархан сүбэһитигэр Ирина Семеновна Якушеваҕа, кини аймах-билэ, чугас дьонугар тапталлаах ийэлэрэ, эбэлэрэ, хос эбэлэрэ, Хаҥалас улууһуттан төрүттээх Елена Даниловна Григорьева күн сириттэн күрэммитинэн дириҥ кутурҕаммын тириэрдэбин.
Чугас киһигин сүтэрэр саҕа ыар түгэн орто дойдуга суох. Хайа да тылынан ити ыар баттыгы, аһыыны чэпчэппэккин. Ол гынан баран, эһиги ийэҕит курдук чиэһинэйдик уонна дьоһун олоҕу олорбут, үтүө үлэһит дьону иитэн-такайан таһаарбыт киһи туһунан үтүө, сырдык өйдөбүл өлүү дэгиэ тыҥыраҕынааҕар күүстээх буолуо. Эһиги кытаанах, муударай санааҕыт бу ыар кэмнэри туоруургутугар көмө буоллун.
Эһиги аһыыгытын тэҥҥэ үллэстэбин, кытаатан тулуйуҥ.
Ил Түмэн дьокутаата Мария Христофрова
