РФ доруобуйа харыстабылын министиэристибэтэ искэн (рак) ыарыытын булбут быраастары бириэмийэлиир туһунан этиини киллэрдэ.
“Искэн ыарыытын булбут быраастары территориальнай пуонда бүддьүөтүттэн биирдии тыһыынча солкуобай бириэмийэлиир туһунан былааннанар”, – диэн иһитиннэриигэ суруллар.
Муус устар ыйга премьер-миниистир Дмитрий Медведев диспансеризация кэмигэр искэн ыарыытын булбут быраастары бириэмийэлиир туһунан соругу туруорда. Бириэмийэ 2020 сылтан бэриллэрэ былааннанар.
Олунньу ыйга доруобуйа харыстабылын министиэристибэтин радиология научнай-чинчийэр киинигэр, дьон искэн ыарыытынан ыалдьара элбии турарын бэлиэтииллэр. Ол курдук, 2017 сыл түмүгүнэн 617 тыһ ыалдьыы булуллубут, бу көрдөрүү бу иннинээҕи сылтан 20 тыһ элбэх.
