Киирии

Киирии

Амма улууһугар быйыл эмиэ оттооһуҥҥа ким бастыҥын быһаарыахтара. Кыайыылаахтар окко туттуллар тэриллэринэн наҕараадаланыахтара. 

Амма улууһун дьаһалтата уонна тыа хаһаайыстыбатын управлениета хаһыс да сылларын оттооһуҥҥа нэһилиэктэр икки ардыларыгар күрэхтэһии биллэрэллэр. Бу биллэн туран кылгас кэмҥэ барар хампаанньаны көҕүлүүр.
Оттооһун тэтимнээхтик бардын, хаачыстыбалаах от бэлэмнэннин, үлэһиттэр эппиэтинэстээх буоллунар уонна биллэн туран сүөһү ахсаана аччаабатын туһугар маннык күрэхтэһиилэри тэрийэбит. Ааспыт сылга муниципальнай тэриллиилэр сүрдээх көхтөөхтүк кыттыбыттара. Быйыл даҕаны оннук буолуо диэн эрэллээхпит. Кыайыылаахтары быһаарарбытыгар от ыйын 25 күнүгэр төһө киһи, техника окко тахсыбытын бырыһыанынан көрөн быһаарыахпыт. Маны сэргэ икки төгүл, атырдьах ыйын 19 күнүгэр уонна балаҕан ыйын 19 күнүгэр былаан төһө бырыһыан туолбутун көрүөхпүт. Ону сэргэ биллэн туран оттооһун кэмигэр киһи эчэйиитэ тахсыа суохтаах”, – диэн этэр управление салайааччыта Ион Кононов.

Анал балаһыанньа быһыытынан бастакы миэстэни ылбыт нэһилиэк МТЗ тыраахтырга иилиллэр КУН-нан, иккис миэстэ түөрт көлүөһэлээх от мунньар кыраабылынан, онтон үһүс миэстэ 30 пара шпагат быанан наҕараадаланыахтара.

“Амма олоҕо” хаһыат, ulus.media

Тарҕат:

Комментарии

Защитный код Обновить