Киирии

Киирии

Амма нэһилиэгэ уонна киин куорат дьахталларын Сэбиэттэрэ бииргэ үлэлииргэ Сөбүлэһии түһэристилэр. 


Амма кэрэ айылҕатын көрө, ыраас өрүһүгэр сөтүөлүү элбэх ыалдьыт сайын устата быыстала суох кэлэр. Онтон сорохторо сынньалаҥнарын туһалаахтык атаараллар. Дьокуускай куорат дьахталларын лигата Марина Силкинасалайыытынан кэлэн Амма нэһилиэгин дьахталларын сэбиэтин кытта бииргэ үлэлииргэ Сөбүлэһии түһэристилэр. Ыалдьыттары Солобуодаҕа киириигэ улуус социальнай эйгэ уонна ыччат политикатыгар управлениетын начальнига  Саргылана Неустроева уонна Наталья Шишигина салайааччылаах» Амма автоледи» чилиэннэрэ көрүстүлэр.

amga1

Биһиги уопсайа 15 уокурукпутугар баар дьахталлар сэбиэттэрэ холбоһон, Дьокуускай дьахталларын лигалара диэн буолабыт. “Ленский мост ” диэн бырайыак онорон улуустарынан сылдьар былааннаахпыт. Бу бырайыакпытынан өйтөн суруйуу, уруһуй күрэхтэрин ыыппыппыт. Онно Өлүөнэ өрүһү туоруур муостаны саамай үчүгэйдик уруһуйдаабыт оҕо үлэтэ анал тэриэлкэҕэ түһэриллибитэ. Маннык тэриэлкэ икки эрэ баар. Биирин биһиги бырайыакпытын өйөөбүт Ил Дархаммытыгар Айсен Николаевка туттарабыт. Эһиги улуускутун аан бастакынан талбыппыт. Өссө эрдэ, Амма өрүс күнүгэр от ыйын 20 күнүгэр кэлиэхтээх этибит. Ол да буоллар син биир сыалбытын толорон кэллибит”, — диэн делегация салайааччыта Марина Сергеевна А.А. Черемных аатынан оҕо искусствотын дьиэтигэр буолбут көрсүһүүгэ эттэ.

amga2

amga3

Көрсүһүүнү улуус баһылыгын социальнай боппуруостарга солбуйааччы Иванна Шишигина салайан ыытта. Иванна Ивановна улууска дьахталлар оруолларын, кинилэр салайар уопсастыбаннай тэрилтэлэрин туһунан сиһилии кэпсээтэ. Улууска дьахталлар хамсааһыннарын, кинилэр уопсастыбаҕа, тахса турар олох кыһалҕаларын быһаарыыга оруолларын туһунан дьокутааттар Сэбиэттэрин бэрэссэдээтэлэ Софья Александрова, “Подруги-Дьүөгэлэр” форум Амма улууһугар салайааччыта Любовь Заварзина, “Россия ийэлэрэ” уопсастыбаннай хамсааһын улууска салайааччыта Оксана Архипова уо.д.а кэпсээтилэр, санаа атастаһыыта буолла.

amga8

amga4

Дьокуускай куорат дьахталларын Лигата көхтөөх уопсастыбынньыктарга махтал суругун туттарда. Онтон “Центральнай” уокурук дьахталларын Сэбиэтин салайааччыта, Амматтан төрүттээх Татьяна Егорова кыыһа уруһуйдаабыт Амма кэрэ айылҕатын хартыынатын улуус дьаһалтатыгар бэлэх уунна.

amga5

amga6

amga7

Көрсүһүү биир бэлиэ түгэнинэн Ил Түмэн дьокутаата Мария Христофорова саҕалаабыт “Добрые ручки” диэн акциятын дьааһыгын улууска туттарыы буолла. Ол быһыытынан ким баҕарар үтүлүк баайан бу дьааһыкка угуон сөп. Дьааһык туоллаҕына үтүлүктэри ылан наадыйар дьоҥҥо биэриэхтэрэ. Бу курдук хас биирдии киһи илиитин сылааһа үтүө дьыала буолан өрөспүүбүлүкэ үрдүнэн тарҕанар. Онтон түмүккэ Амма нэһилиэгин уонна Дьокуускай куорат дьахталларын Сэбиэтэ бииргэ үлэлииргэ Сөбүлэһии түһэристилэр.

amga9

amga10

amga11

Көрсүһүү кыттыылаахтарын Суорун Омоллоон аатынан опера уонна балет тыйаатырын  ураты кэрэ куоластаах артыыската Екатерина Захарова эҕэрдэлээтэ.

Ааптар: “Амма олоҕо” хаһыат

Источник: ulusmedia

Тарҕат:

Комментарии

Защитный код Обновить