Войти

Войти

“Бүлүү” федеральнай айан суолунан, Мииринэйтэн Дьокуускай диэки барааччылар, Оччугуй Ботуобуйа үрэҕи туоруур күргэни туту саҕаламмытын этэллэр.

Муоста “атахтара” туруохтаах сиригэр үүттүүр станок туруоруллубут. Күргэ тулааһынын оҥорууга бэдэрээччит хайдах быһыылаахтык үлэлиириттэн тутуу далааһына улахан тутулуктаах.

mir2

Оччугуй Ботуобуйаҕа күргэни тутууну көҥүллүүр докумуоннар, “Росавтодортан” хойутаан, бэс ыйын ортотун ааһыыта бэриллибиттэрэ.

Кэтэмэҕэйдээбэккэ эттэххэ, күргэни тутуу бытааннык саҕаланна. Оччугуй Ботуобуйа күргэтин, үрэҕи туоруур понтуонтан адьас чугас туталлар. “РНГ-Снабжение” хампаанньа бэдэрээччитэ – “ВостоСибспецмонтаж” диэн Москуба тэрилтэтэ тутууга ылсыбыт. Бу уһун, күүтүүлээх күргэни, 2020 сыл төрдүс кыбаарталыгар тутуллан бүтүөхтээх диэн эрэннэрэллэр. Күргэ уһуна – 190 миэтэрэ, түөрт систээх буолуохтаах. Маннык иимпиктээх күргэ сыбаайаларын олордо да иликтэр.

mir3

Онон, 2020 сыл, алтынньы 31 күнүгэр, бу тутууну хайдах бүтэрэ охсуохтарын дьон муодаргыыр.Үрэх кытылыгар богуончук баар буолбут, инньэ гынан тутуу былаһааккатыгар дьэ маарынныыр буолла. Курган собуотугар, күргэ систэрин бэлэмниэхтээхтэр.Ол хайдах барара, эбиитин, тутуу матырыйааллара Мииринэйгэ хаһан, хайдах тиэллэллэрэ биллибэт.2019 сыл, атырдьах ыйын ортото буолан эрэр. Үрэхпит күргэтин тутууга үлэ саҕаламмыт эрээри, санаа курдук тэтимэ, уота-күөһэ суох.

Инникитин, дьэ хайдах буолар?! Көрүөхпүт.

Станислав Алексеев. Мииринэй куората. Ааптар хаартыскалара.

Тарҕат:

Добавить комментарий