Бүгүн Саха сирэ буолаары турар Илиҥҥи экэниэмикэ форумугар (ВЭФ) кыттарга бэлэмнэниитин туһунан бастакы вице-премьер Алексей Стручков салайан ыыппыт мунньаҕар кэпсэттилэр.
Билигин форумҥа кимнээх кытталлара, салалтаттан кимнээх тыл этэллэрэ, стратегическай былаһааккаларга Саха сириттэн кимнээх спикер быһыытынан үлэлииллэрэ, ханнык сөбүлэҥнэр түһэрсиллиэхтээхтэрэ, форум култуурунай уонна спортивнай тэрээһиннэригэр кимнээх кытталлара эҥин чуолкайданар.
“Бу тэрээһин Саха сирин социальнай-экэнэмиичэскэй сайдыытыгар улахан суолталаах. Манна биһиги эрэгийиэммит инвестиционнай кыаҕын билиһиннэриэхпит, араас бырайыактарбытын хайдах олоххо киллэрэрбитин көрдөрүөхпүт, аччыгый уонна орто урбааны өйүүргэ улахан суорлталаах, итиэннэ норуоттар икки ардыларынааҕы сибээһи олохтуурга, үп тэрилтэлэрин, бааннары кытары хардарыта үлэлэһэрбитигэр кыаҕы биэрэр тэрээһин”, - диэн Алексей Стручков тоһоҕолоото.
Саха сирин билиһиннэрэр павильон бырйыагын көрдөрдүлэр. Павильон 3 сектортан турар, “Сделано в Якутии. Made in Yakutia” диэн ааттаах. Бастакы секторга 2013-2019 сс. хабыллаллар, онно тимир суола, “Кангалассы”, “Южная Якутия” ТОРдар бородууксуйалара көрөдрүүгэ туруохтара. Иккис секторга үс инники күөҥҥэ сылдьар инвестиционнай бырайыактар: Өлүөнэ күргэтэ, “Полярная звезда” оҕолор сылы тухары сынньанар комплекстара уонна аныгылыы өрүс флотун бырайыактара көрөдрүллүөхтэрэ. Манна эбии туризм бородууксуйалара баар буолуохтара. Үһүс секторга #Якутия2035 инновационнай бырайыактар, айти технологияларга сыһыаннаах бырайыактар көрдөрүүгэ туруохтара. Форум балаҕан ыйын 4-6 күннэригэр Владивосток куоракка ыытыллар.
