Войти

Войти

Бу сыл аҕыс ый түмүгүнэн, СӨ Тырааныспарга министиэристибэтин массыыналар тэхэньиичэскэй туруктарын хонтуруоллуур Департамена кыра уйуктаах массыыналар пассажирдары уонна таһаҕаһы тиэйэллэригэр биир тыһ. кэриҥэ көҥүлү биэрбит. Бу туһунан минтранс пресс-сулууспата иһитиннэрэр.

Такси өҥөтө суох хайдах да сатаммаппыт. Оттон дьону уонна таһаҕаһы тиэйэр суоппардар хайаан да анал көҥүллээх буолуохтаахтар. Саха сиригэр билиҥҥитэ 4 тыһ. такси көҥүллэээх. Госусулги нөҥүө электроннай докумуону тутар буолуохтарыттан ыла, маннык көҥүлү ылыы судургутуйда.

“2017 сыл алтынньытыттан электроннай форманан докумуоннары тутар буолбуппут. Онуоха сайабылыанньаны биэрээччи госуслуга порталыгар киирэн бэлиэтэнэр, ол кэннэ саайтка киирэн электроннай сайабылыанньаны биэрэр. Сайабылыанньаны кытары пааспар куоппуйатын, тырааныспар бэлиэтэммитин туһунан туоһу сурук куопуйатын уган ыытар. Ол кэннэ көҥүлү олорор сиргинэн МФЦтан тийэн ылыаххын сөп”, - диир департамент салайааччытын солбуйааччы Софья Кузьмина.

Кини этэринэн, маннык электроннай ньыманан көҥүлү ылыыга сайабылыанньа киириитэ биллэ үрдээбит. Уһун-унньуктаах учаракка турбакка, дьон көмпүүтэртэн киирэн ылар буолбут (84 %). Өскөтүн, бэйэҥ тиийэн, уочараттаан сайабылыанньа биэрдэххинэ, ону 30 күн устата көрөр эбит буоллахтарына, госуслуги нөҥүө 15 күнүнэн көрөн бүтэллэр. Онон бары өттүнэн табыгастаах.

Тарҕат:

Добавить комментарий

Бүтэһик сонуннар