Войти

Войти

“СӨ Дьиэ-уот хомунаалынай хаһаайыстыбата” ГУП генеральнай дириэктэрэ Виталий Чикачев Арктика улуустарын кытары видеоконференц сибээһинэн ититиини биэриигэ үлэ хаамыытын кытары билистэ.

Билиҥҥитэ арктическай улуустарга ититиини кэмигэр биэриигэ былааннаммыт үлэ түмүктэнэр. Атырдьах ыйын бүтүүтэ эбийиэктэргэ сылааһы биэрбитинэн барыахтара.

Аллайыаха, Анаабыр, Булуҥ уонна Аллараа Халыма улуустарын хочуолунайдара номнуо үлэлии тураллар. Атырдьах ыйын 22 күнүгэр Өлөөн хочуолунайдарын бэлэмнээн бүтэрбиттэр.

Бигэргэммит график быһыытынан, атырдьах ыйын 25 күнүгэр Орто Халымаҕа сылааһы биэриэхтэрэ. Атырдьах ыйын 28 күнүгэр – Абый уонна Муома улуустарыгар, атырдьах ыйын 29 күнүгэр – Дьааҥы уонна Эбээн Бытантай улууһугар, атырдьах ыйын 30 күнүгэр – Эдьигээҥҥэ, 31 чыыһылаҕа – Үөһээ Халымаҕа.

Тарҕат:

Добавить комментарий

Бүтэһик сонуннар