Үөрэх министиэристибэтин пресс-сулууспата иһитиннэрэринэн, өрөспүүбүлүкэ сорох колледжтарыгар уонна техникумнарыгар үөрэххэ ылыы болдьоҕо уһаата.
“Алданнааҕы политехническай техникумҥа, Жатайдааҕы, Үөһээ Бүлүүтээҕи, Ньурбатааҕы , Уус Алданнааҕы техникумнарга, Сунтаардааҕы технологическай колледжка, Покровскайдааҕы колледжка атырдьах ыйын 30 күнүгэр дылы үөрэххэ ылыы болдьоҕо уһатылынна”, - диэн министиэристибэҕэ иһитиннэрэллэр.
Докумуоннары киин тутар хамыыһыйаҕа туттарыаххытын сөп. Аадырыстара: Дьокуускайдааҕы эргиэн-экэниэмикэ колледжа, Ленин бэр., 50.