Тымныы полюһугар Өймөкөөн оройуонугар тутуллуохтаах туристическай кластер бырайыагын V Илиҥҥи экономическэй форумҥа билиһиннэриэхтэрэ. Бу туһунан “Knight Frank” хампаанньа пресс-сулууспата иһитиннэрэр.
Хампаанньа консорциум састаабынан бырайыак кэнсиэпсийэтин оҥорууга норуоттар икки ардыларынааҕы куоҥкуруһу кыайбыт. Куоҥкурус Саха сирин бырабыыталыстыбатын өйөбүлүнэн тэриллибит. Манна аҕыс дойдуттан 48 хамаанда кыттыыны ылбыт.
Бырайыагы балаҕан ыйын 4-6 күннэригэр V Илиҥҥи экономическэй форумҥа билиһиннэриэхтэрэ. Бырайыак 2028 сылга диэри олоххо киириэхтээх. Судаарыстыбаннай уонна чааһынай инвестордары кытыннарыа.