Киирии

Киирии

Уһук Хоту “Земский доктор” бырагыраама үбүлээһинин оройуон коэффициенын учуоттаан үрдэтиэхтэрин сөп. Ол эбэтэр, быраас төһөннөн кый ыраах баран үлэлиир да, соччонон үрдүк төлөбүрү ылыан сөп. Бу туһунан “Парламентская газета” иһитиннэрэр.

 

Балаҕан ыйыгар Госдумаҕа сокуоҥҥа туһааннаах уларыйыылары киллэрэр туһунан  доруобуйа харыстабылын кэмитиэтин чилиэнэ Татьяна Соломатина кэпсээбит.

Парламентарий этэринэн, хомойуох иһин, "“Земский доктор” Уһук Хоту сиргэ каадыр тиийбэт кыһалҕатын быһаарбат: суол-иис, дьиэ-уот суоҕугар, холобур, эрэгийиэн кииннэригэр, нэһилиэккэ баран олохсуйар быраастар дьиэ ылалларыгар ити биир мөлүйүөн солкуобай таах кураанах тыас эрэ курдук иһиллэр".

“Холобур, Томскайга уонна ити эргин бөһүөлэктэргэ баран үлэлиир эдэр быраастар биэс сылга биир мөлүйүөн иһин үөрэ-көтө баран үлэлииллэр, оттон эрэгийиэн кииниттэн кый ыраах сытар бөһүөлэктэргэ баран быстыбаттар. Биһиги биир бөһүөлэккэ бырааһы көрдөөбүппүт 2 сыла буолла! Ким да кэлбэт! Оттон онно 2 тыһ. тахса киһи олорор, ол эрээри биир да бырааһа суохтар!”, - диэн Соломатина сөҕөн кэпсээбит. 

Кини этэринэн, бу бырагыраама чэрчитинэн Уһук Хоту сиргэ баран үлэлэччилэргэ үбүлээһин атыннык уларытыллан көрүллүөхтээх, онуоха Үлэ министиэристибэтэ бигэргэппит оройуоннааҕы коэффициент учуоттаныах тустаах. 

“Сорох оройуоннарга бүддьүөт үлэһиттэрин хамнастарыгар эбии 50 бырыһыан төлөнөр дии, оттон киинтэн өссө ыраах сытар сирдэргэ 70 бырыһыан көрүллэр. “Земский доктор” бырагыраама эмиэ итиниэхэ дьүөрэлии үбүлэниэхтээх”, - диир Татьяна Соломатина. 

Дьокутаат саныырынан, эбии харчы көрүллэригэр “ыраах сытар киритиэрийдэри” Доруобуйа харыстабылын министиэристибэтэ оҥоруон сөп. “Кинилэр оҥорботохторуна дьокутааттар бэйэбит бүддьүөтү тыырыыга ылсыахпытын сөп”, - диир. 

Санатар буоллахха, 2019 сылга “Земский доктор” бырагырааманы олоххо киллэрэргэ федеральнай бүддьүөттэн 3,2 млрд солк. бырабыыталыстыба көрөн турар. Онно эбии 40 бырыһыанын эрэгийиэннэр бэйэлэрэ көрөллөр.

Тарҕат:

Комментарии

You have no rights to post comments

Бүтэһик сонуннар