Суол хаһаайыстыбатын бочуоттаах бэтэрээннэригэр аналлаах сквери Чурапчы сэлиэнньэтигэр арыйдылар. Бу туһунан СӨ Көлөҕө уонна суол хаһаайыстыбатыгар министиэристибэтин пресс-сулууспата иһитиннэрэр.
Үс сылааҕыта, саҥа сквер туруохтаах сиригэр, улуус суолун хаһаайыстыбатын кырдьаҕас үлэһитэ Дмитрий Лазарев арыйбыт карьерыттан сымара тааһы аҕалбыттара.
Саҥа сквери тутууга олохтоох тутуу матырыйаал туһаныллыбыт уонна уруккулуу суол конструкциятын итиэннэ тиэхиньикэни туһаммыттар. Өйдөбүнньүк бэлиэҕэ 1947 сыллаахха Челябинскайга оҥоһуллубут бырысыаптаах грейдери туруордулар.
