Балаҕан ыйын 10 күнүгэр “Apple” хампаанньа “iPhone” саҥа үс моделын: “iPhone 11”, “iPhone 11 Pro” уонна “iPhone 11 Pro Max” сүрэхтээтэ.
Ону таһынан, сэттис “iPad” уонна “Apple Watch 5” өйдөөх чаһыны билиһиннэрдэ. Планшет сыаната 329 $, чаһы – 399 $ саҕаланыа.
Оттон “iPhone 11 Pro” уонна “Pro Max” төлөпүөннэр үрүҥ көмүс, кыһыл көмүс, “темный космос” уонна от күөҕэ өҥнөөх буолуохтара. Сыаналара $999 уонна $1099 саҕаланыа.
Саҥа моделлар “A13 Bionic” диэн саҥа чиптээхтэр. Бу саамай түргэн процессор диэн хампаанньа үлэһиттэрэ кэпсииллэр.
Саҥа “iPhone” Арассыыйаҕа балаҕан ыйын 20 күнүттэн атыыга тахсара күүтүллэр. Ону таһынан, сэтинньи 1 күнүттэн “Apple TV+” диэн сиэрбис баар буолуоҕа.
