Өлтөх нэһилиэгин дьаһалтатын уонна кулуубун үлэһиттэрэ Уус Алдан уонна Мэҥэ Хаҥалас кыраныыссатыгар сайын устата мунньуллубут бөҕү хомуйдулар. Олохтоохтор кэпсииллэринэн, маннык субуотунньугу куруук ыыталлар.
Ааспыт нэдиэлэҕэ ааһан иһэр дьон кыраныыссаҕа тохтоон бөхтөрүн-сахтарын быраҕаллар диэн, бассаап нөҥүө иһитиннэрии тарҕаммыта. Оннук сайын устата балайда бөх мунньуллубут. Ону барытын Бэйдиҥэ нэһилиэгин дьаһалтатын уонна кулуубун үлэһиттэрэ хомуйдулар.
“Маннык субуотунньуктары ыытыы биһиги нэһилиэкпитигэр номнуо үгэскэ кубулуйда. Ол курдук, саас, күһүн, хаар түһэ илигинэ уонна хаар ууллубутун кэннэ ыытабыт. Бу сырыыга 12 киһи үлэлээтэ. Мунньуллубут бөх олус элбэх этэ. Ону барытын хомуйан тастыбыт. Ааһан иһэр дьон ас хаатын, бытыылкалары бырахпыттар. Үгэс быһыытынан маннык сиргэ алаадьы ууруллуохтаах этэ буоллаҕа дии”, – диэн дьаһалта үлэһиттэрэ кэпсииллэр.
