Өлүөхүмэ улууһун Уолбут нэһилиэгэр 2,4 мВт кыамталаах саҥа хочуолунай уонна итиини биэрэр ситим үлэҕэ киирдилэр. Эбийиэктэр оскуоланы, “Чаринка” уһуйааны, успуорт саалатын, мастарыскыайы уонна гарааһы итиинэн хааччыйаллар.
Саҥа хочуолунай толору хааччыллыылаах. Үлэһиттэргэ үчүгэй усулуобуйалаах, ол курдук, сынньаналларыгар аналлаах толору хааччыллыылаах хостоох. Хочуолунайы олохтоох салайар хампааньа үлэлэтиэ.
