Киирии

Киирии

“Дьиэ-уот хомунаалынай хаһаайыстыбата” ГУТ 690-тан тахса хочуолунайа барыта тигинэччи үлэлии турар. Бу туһунан тэрилтэ пресс-сулууспата иһитиннэрэр.

“Бастатан туран, сайыҥҥы кылгас сынньалаҥ кэннэ, хочуолунайдар Аллайыаха, Булуҥ, Аллараа Халыма, Анаабыр уонна Өлөөн улуустарыгар сылытыыны биэрбиттэрэ”, - диэн пресс-сулууспа суруйар.

Атырдьах ыйа бүтүөр дылы Арктика улуустарын бары социальнай эбийиэктэригэр уонна олорор дьиэлэригэр ититиини биэрбиттэрэ.

Балаҕан ыйын саҥатыгар график быһыытынан Бүлүү эҥэригэр, киин уонна илин эҥээр улуустарыгар, оттон балаҕан ыйын 15 күнүгэр дылы Витим, Маҕан уонна киин куорат икки хочуолунайдарыттан сылааһы ыытан саҕалаабыттара.

ДьУОХХ ГУТ “Коммункомплектация” филиалын дириэктэрин солбуйааччы Евгений Маслов этэринэн, Маҕан үс уонна Дьокуускай икки хочуолунайа былаан быһыытынан ититиини биэрэргэ бэлэм олорбуттар. Кини этэринэн, балаҕан ыйын 12 күнүгэр ититии ситимнэрэ толоруллан, оттон хочуолунайдар бастакы сылааһы биэриигэ бэлэм олорбуттар, ону балаҕан ыйын 14 күнүгэр үлэлэппиттэр.

Оробуочай бөлөх киин куорат аэропордун хочуолунайын балаҕан ыйын 15 күнүгэр көрбүт уонна ититиини биэрии температура графигар сөп түбэһиннэрэн биэрэрин тоһоҕолообут.

Тарҕат:

Комментарии

Защитный код Обновить