Киирии

Киирии

Сууккаҕа 10 куб. м. оҥорон таһаарар саҥа уунуу ыраастыыр ыстаансыйаны Мииринэй Сүлдьүкээригэр АЛРОСА үбүлээн арыйда. Бу туһунан хампаанньа пресс-сулууспата иһитиннэрэр.

“Саҥа ууну ыраастыыр ыстаансыйаны аҕыйах кэм иһигэр тутан үлэҕэ киллэрдилэр. Монтажтыыр уонна холбуур үлэни АЛРОСА капитальнай тутуутун Управлениетын үлэһиттэрэ оҥордулар. Ыстаансыйа модульнай тэрилэ “Новай” сопхуос балаансатыгар турар. Сайын устата ыстаансыйа тургутуу быһыытынан үлэлээбитэ” , — лиэн “Новай” сопхуос дириэктэрэ Сергей Корнилов иһитиннэрэр.

Кини этэринэн, ыстаансыйа үлэлиэн иннинэ, ууну санэпидстанция уонна итии ууннан хааччыйар тэрилтэ лаборатирияларыгар чинчийбиттэр. АЛРОСА ыстаансыйаны буор-босхо Сүлдьүкээр дьаһалтатыгар биэрбит.

“Саҥа ууну ыраастыыр ыстаансыйа сэлиэнньэ килбэйэр киинигэр турар. Олус күүппүт тутуубут буолар. Эбийиэги “Новай” сопхуос балаҕан ыйын бүтүүтгэр биһиэхэ биэриэҕэ” , — диир Сүлдьүкээр баһылыга Иван Игнатьев.

Сүлдьүкээр сэлиэнньэтэ Мииринэй куораттан 120 км тэйиччи сытар. Манна 340 киһи олорор. Сэлиэнньэҕэ АЛРОСА “Новай” сопхуоһун иккис нүөмэрдээх отделениета баар.

Тарҕат:

Комментарии

Защитный код Обновить